ឯកឧត្តម វ៉ាង វិនពិន៖ បេសកជនពិសេស របស់ភាគីចិន កំពុងបំពេញបេសកកម្ម សម្របសម្រួលលើកទី៣  និងផ្តល់ជំនួយយ៉ាង សកម្មស្របតាមការ ចង់បានរបស់កម្ពុជា-ថៃ

(ភ្នំពេញ)៖ ឯកឧត្តម វ៉ាង វិនពិន ឯកអគ្គរដ្ឋទូតនៃ សាធារណរដ្ឋ ប្រជាមានិតចិន ប្រចាំព្រះរាជាណា ចក្រកម្ពុជា នាថ្ងៃទី១៧ ខែកញ្ញា ឆ្នាំ២០២៥នេះ បានគូសបញ្ជាក់ ក្រោយជំនួបរវាង ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាសហប្រធានគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន ពិភាក្សាការងារជាមួយ ឯកឧត្តម វ៉ាង យី (Wang Yi) សមាជិកការិយាល័យនយោបាយ, ប្រធានការិយាល័យ គណៈកម្មការកិច្ចការ បរទេសនៃគណៈកម្មាធិការ មជ្ឈឹមបក្សកុម្មុយនីស្តចិន, និងជារដ្ឋមន្ត្រីការ បរទេសចិន នាថ្ងៃនេះថា ភាគីចិនបានទប់ស្កាត់ និងជំរុញឱ្យមាន ពិភាក្សាយ៉ាងសកម្ម ចាប់តាំងពីជម្លោះ រវាងកម្ពុជា-ថៃបានកើតឡើង។

តាមរយៈជំនួបនេះ ឯកឧត្តម វ៉ាង វិនពិន បានបន្តថា កម្ពុជា និងថៃ គឺជាអ្នកជិតខាងល្អ ហើយមិនមានឧបសគ្គ ឬបញ្ហាណា ដែលមិនអាចដោះ ស្រាយបានរវាង ប្រទេសទាំងពីរទេ យើងសង្ឃឹមថាភាគី ទាំងពីរនឹងចាប់ យកឱកាសនេះ ដើម្បីពន្លឿនដំណើរការផ្សះផ្សារ។

ឯកឧត្តម បានបន្តថា បេសកជនពិសេស របស់ភាគីចិនកំពុង បំពេញបេសកកម្មសម្រប សម្រួលលើកទី៣  ហើយរីករាយក្នុងការ ផ្តល់ជំនួយយ៉ាងសកម្ម ស្របតាមការចង់ បានរបស់ភាគីទាំងពីរ។