ស្ថានទូតចក្រភពអង់គ្លេស សាទរក្រោយគ្រាប់ ស្វាយចន្ទីកម្ពុជា ត្រូវបាននាំចេញទៅ ទីផ្សារអន្តរជាតិ យ៉ាងទូលំទូលាយ

(ភ្នំពេញ)៖ យោងតាមបណ្តាញ សង្គមការងារផ្លូវការ ស្ថានទូតចក្រភពអង់គ្លេស ប្រចាំនៅព្រះរាជា ណាចក្រកម្ពុជា បានឱ្យដឹងនារ សៀលថ្ងៃទី៤ ខែកញ្ញា ឆ្នាំ២០២៥នេះថា គ្រាប់ស្វាយចន្ទី កម្ពុជាស្ថិតក្នុងចំណោម គ្រប់ធនជាតិល្អ បំផុតនៅលើ ពិភពលោក។

ប្រភពដដែល បានបន្តថាចក្រភពអង់គ្លេស មានមោទនភាព ដែលបានគាំទ្រក្រុមហ៊ុន Ample Agro បានចែករំលែក រសជាតិដ៏អស្ចារ្យនៃ គ្រាប់ស្វាយចន្ទីកម្ពុជា ទៅកាន់ពិភពលោក។

តាមរយៈកម្មវិធីភាព ជាដៃគូពាណិជ្ជកម្ម របស់ចក្រភពអង់គ្លេស ដែលអនុវត្តដោយ មជ្ឈមណ្ឌលពាណិជ្ជកម្មអន្តរជាតិ ស្ថានទូតចក្រភពអង់គ្លេស បានធ្វើការយ៉ាងជិត ស្និទ្ធជាមួយអាជីវកម្មក សិឧស្សាហកម្ម ដើម្បីពង្រឹងម៉ាកយីហោ ទីផ្សារ និងយុទ្ធសាស្រ្ត នាំចេញរបស់ពួកគេ។

ពីការចូលរួមក្នុង ពិព័រណ៍ពាណិជ្ជ កម្មអន្តរជាតិ ដល់ការភ្ជាប់ទំនាក់ ទំនងជាមួយអ្នកទិញ ដែលមានសក្តានុពល និងប្រើប្រាស់គ្រោង ការណ៍ពាណិជ្ជកម្ម នៃប្រទេសកំពុង អភិវឌ្ឍន៍របស់ចក្រ ភពអង់គ្លេស កិច្ចខិតខំប្រឹងប្រែង ទាំងនេះកំពុងទទួល បានផ្លែផ្ការួចហើយ ជាមួយនឹងការនាំចេញ ការបង្កើតការងារ និងការរីកលូតលាស់ នៃការទទួលស្គាល់ ផលិតផលកសិកម្ម ឆ្នើមរបស់កម្ពុជា។

គួរជម្រាបជូនថា នៅព្រឹកនេះ ឯកឧត្តម ឯកអគ្គរាជទូត Dominic Williams បានអញ្ជើញធ្វើ ទស្សនកិច្ច នៅក្រុមហ៊ុន Ample Agro ដើម្បីបញ្ជូន គ្រាប់ស្វាយចន្ទី កម្ពុជាគុណភាព ខ្ពស់ទៅកាន់អឺរ៉ុប។

នេះជាព្រឹត្តិការណ៍ ដ៏សំខាន់មួយ ដែលអាចធ្វើទៅ បានតាមរយៈការតភ្ជាប់ ដែលបង្កើតឡើង ដោយកម្មវិធីដៃ គូពាណិជ្ជកម្មរបស់ ចក្រភពអង់គ្លេស។

ស្ថានទូតចក្រភពអង់គ្លេស ប្រចាំនៅព្រះរាជា ណាចក្រកម្ពុជា ចង់ឃើញផលិតផល កម្ពុជាជាច្រើន ទៀតនៅលើធ្នើផ្សារ ទំនើបរបស់ចក្រភព អង់គ្លេសក្នុង ពេលឆាប់ៗនេះ និងដើម្បីពង្រឹង ទំនាក់ទំនងរវាង ប្រទេសទាំងពីរឱ្យកាន់តែ ស៊ីជម្រៅតាម រយៈពាណិជ្ជកម្ម ការច្នៃប្រឌិត និងភាពជោគជ័យរួមគ្នា៕