(ខេត្តមណ្ឌលគិរី)៖ នៅព្រឹកថ្ងៃពុធទី៣ ខែកញ្ញា ឆ្នាំ២០២៥ ឯកឧត្តមបណ្ឌិត Santo Darmosumarto ឯកអគ្គរដ្ឋទូតនៃ សាធារណរដ្ឋឥណ្ឌូនេស៊ី ប្រចាំព្រះរាជាណាចក្រកម្ពុជា និងលោក Yosi Aprizal តំណាងទីប្រឹក្សានៃស្ថានទូត ឥណ្ឌូនេស៉ីប្រចាំនៅកម្ពុជា មន្រ្តីកុងស៊ុលនិង ក្រុមការងាររបស់ ស្ថានទូតឥណ្ឌូនេស៊ី បានអញ្ជើញចូលជួប សម្ភាសន៍សំណេះសំណាល និងសម្តែងនូវការគួរ សមជាមួយលោក ឧត្តមសេនីយ៍ទោ ឡោ សុខា ស្នងការនគរបាល ខេត្តមណ្ឌលគិរី ព្រមទាំង លោកស្នងការរង លោកនាយការិយាល័យ សេនាធិការនៅស្នងការដ្ឋាន នគរបាលខេត្ត មណ្ឌលគិរី ។
ក្នុងកិច្ចជំនួបនេះ លោកស្នងការ បានសម្តែងនូវភាព ស្និទ្ធស្នាលប្រកបទៅ ដោយផ្លែផ្កាដែល ជាទីមោទនភាព ទន្ទឹមនោះផងដែរ លោកស្នងការ ក៏បានអញ្ជើញក្រុម ការងារឯកអគ្គរដ្ឋ ទូតទៅសួរសុខទុក្ខ ដល់ជនជាតិឥណ្ឌូនេស៉ី ដែលចាញ់បោក ក្រុមមេខ្យល់មក រកស៉ីនៅកម្ពុជា និងត្រូវបានសង្រ្គោះ ដោយកងកម្លាំង នៃស្នងការដ្ឋាន នគរបាលខេត្ត មណ្ឌលគិរីផងដែរ ។
