(កំពង់ចាម)៖ ព្រឹកថ្ងៃទី៣ ខែសីហា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម ជាប្រធានគណៈ បញ្ជាការឯកភាពខេត្ត និងឯកឧត្តម ខ្លូត ផន ប្រធានក្រុមប្រឹក្សាខេត្ត បានអញ្ជើញចុះពិនិត្យសម្ភារ មធ្យោបាយធ្វើការ និងសំណេះសំណាល សួរសុខទុក្ខកងកម្លាំង មានសមត្ថកិច្ចក្នុង ការរក្សាសន្តិសុខ សណ្តាប់ធ្នាប់សាធារណៈ និងការពន្លត់អគ្គិភ័យ ជូនប្រជាពលរដ្ឋ។
គួររំលឹកថា រយៈពេល៩ ខែដើមឆ្នាំនេះ ករណីអគ្គិភ័យបានឆាបឆេះ លំនៅឋានរបស់ប្រជាពលរដ្ឋ ទ្រង់ទ្រាយមធ្យម មាន៤ករណី ស្ថិតក្នុងក្រុងកំពង់ចាម និងលក្ខណៈតូចតាច កើតឡើងតាមបណ្តាភូមិស្រុក ប៉ុន្តែគ្រប់ករណី គឺស្ថិតក្រោមការ គ្រប់គ្រងស្ថានការណ៍ បានយ៉ាងល្អពីសមត្ថកិច្ចយើង។
ជាការលើកទឹកចិត្ត ដល់កងកម្លាំងមាន សមត្ថកិច្ច ដែលបានបំពេញការងារ ជូនប្រជាពលរដ្ឋបាន ល្អប្រសើរ ស្របតាមការ ចង់បានរបស់ ប្រមុខថ្នាក់ដឹកនាំ ឯកឧត្តម អ៊ុន ចាន់ដា អភិបាលខេត្តកំពង់ចាម បានយកឱកាសនោះ ថ្លែងការកោតសរសើរ និងនាំយកថវិកា ឧបត្ថម្ភរបស់រដ្ឋបាលខេត្ត ជូនដល់កងកម្លាំងនៃស្នង ការដ្ឋាននគរបាលខេត្ត និងបញ្ជាការដ្ឋានកង រាជអាវុធហត្ថខេត្ត រួមនឹងបានបំពេញ នូវការខ្វះខាតសម្ភារ បរិក្ខារ សម្រាប់ប្រើប្រាស់ នៅក្នុងអង្គភាព ដើម្បីពង្រឹងប្រសិទ្ធភាព ការងារឱ្យកាន់តែ មានប្រសិទ្ធភាព និងសក្តិសិទ្ធិភាព។
ឯកឧត្តម អភិបាលខេត្ត ក៏បានស្នើឱ្យកង កម្លាំងយើងទាំងអស់ បន្តខិតខំយកចិត្ត ទុកដាក់បំពេញការងារ ឱ្យទទួលបានជោគជ័យ ដើម្បីរក្សាបាននូវស្ថានភាព សន្តិសុខ សណ្តាប់ធ្នាប់សាធារណៈ និងភាពសុខដុមរមនា របស់ប្រជាពលរដ្ឋ៕
