(ភ្នំពេ្)៖ នៅព្រឹកថ្ងៃពុធ ទី៣ ខែកញ្ញា ឆ្នាំ២០២៥ ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភា នគរបាលកម្ពុជា បានអញ្ជើញចុះកិច្ច ព្រមព្រៀងស្តីពីកិច្ច សហប្រតិបត្តិការជាដៃគូ យុទ្ធសាស្ត្រ រវាងបណ្ឌិត្យ សភានគរបាលកម្ពុជា និងក្រុមហ៊ុន អេអាយ ហ្វាម ឯ.ក ដោយមានការអញ្ជើញ ចូលរួមពីសំណាក់ ឯកឧត្តមឧត្តមសេនីយ៍ឯក អនុប្រធានបណ្ឌិត្យសភា ប្រធានមន្ទីរចាត់ ការ ប្រធាន-នាយក អង្ភាពចំណុះបណ្ឌិត្យសភា ព្រមទាំងភាគីក្រុមហ៊ុន។
ឯកឧត្តម នាយឧត្តមសេនីយ៍ បានថ្លែងថា ក្នុងនាមឯកឧត្តមផ្ទាល់ ឯកឧត្តមពិតជាមាន កិត្តិយសនិងសេចក្តី សប្បាយរីករាយក្រៃលែង ដែលបណ្ឌិត្យសភា នគរបាលកម្ពុជាបាន រៀបចំពិធីចុះហត្ថលេខា លើកិច្ចព្រមព្រៀងស្តីពី កិច្ចសហប្រតិបត្តិការ ជាដៃគូយុទ្ធសាស្ត្រ រវាងបណ្ឌិត្យសភា នគរបាលកម្ពុជា និងក្រុមហ៊ុន អេអាយ ហ្វាម ឯ.ក។
ពិធីចុះហត្ថលេខាលើ កិច្ចព្រមព្រៀងនាថ្ងៃនេះ កើតឡើងក្រោមគំនិត ផ្ដួចផ្ដើមរបស់ថ្នាក់ដឹកនាំ បណ្ឌិត្យសភានគរបាលកម្ពុជា បន្ទាប់ពីទទួលបានការ អនុញ្ញាតជាគោលការណ៍ ដ៏ខ្ពង់ខ្ពស់ពីសំណាក់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឱ្យបណ្ឌិត្យសភានគរបាល កម្ពុជាចុះកិច្ចព្រមព្រៀង ជាមួយក្រុមហ៊ុន អេអាយ ហ្វាម ឯ.ក ហើយដែលកន្លងមក ឯកឧត្តមអភិ សន្តិបណ្ឌិត តែងតែយកចិត្ត ទុកដាក់និងឱ្យតម្លៃខ្ពស់ លើការអប់រំបណ្ដុះបណ្ដាល និងហ្វឹកហាត់ ដើម្បីអភិវឌ្ឍន៍សមត្ថភាព មន្រ្តីនគរបាលជាតិ និងមន្ត្រីពន្ធនាគារ ឱ្យមានចំណេះដឹង ជំនាញ និងក្រមសីលធម៌វិជ្ជាជីវៈ ក្នុងការរក្សាសន្តិសុខ សណ្ដាប់ធ្នាប់ និងសុវត្ថិភាពសង្គម ជូនប្រជាពលរដ្ឋ។
ក្នុងឱកាសនោះ ឯកឧត្តមនាយ ឧត្តមសេនីយ៍ ក៏បានជម្រាបជូន ភ្ញៀវជ្រាបផងដែរថា បណ្ឌិត្យសភានគរ បាល កម្ពុជាដែលបាននិងកំពុង ធ្វើការអភិវឌ្ឍគ្រប់ផ្នែក នាពេលបច្ចុប្បន្ននេះ គឺដោយសារមានការ ឧបត្ថម្ភនិងគាំទ្រយ៉ាងមុតមាំ ពីរាជរដ្ឋាភិបាល ក្នុងនីតិកាលមុនៗ ក្រោមការដឹកនាំប្រកប ដោយគតិបណ្ឌិតដ៏ ឈ្លាសវៃបំផុតរបស់ សម្តេចអគ្គមហា សេនាបតីតេជោ ហ៊ុន សែន អតីតនាយករដ្ឋមន្ត្រី ជាអគ្គមគ្គទេសក៍ និងជាអគ្គស្ថាបនិក ដ៏ឆ្នើមនៃសន្តិភាព និងរាជរដ្ឋាភិបាលបច្ចុប្បន្ន ក្រោមការដឹកនាំ ប្រកបដោយគតិបណ្ឌិត ដ៏ឈ្លាសវៃរបស់ វីរវិញ្ញុជននៃជាតិគឺ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា ដែលបានដាក់ចេញ នូវកម្មវិធីនយោបាយនិង យុទ្ធសាស្រ្តបញ្ចកោណ ដំណាក់កាលទី១ ដោយផ្តោតលើ គន្លឹះអាទិភាពចំនួន៥គឺ «មនុស្ស ផ្លូវ ទឹក ភ្លើង និងបច្ចេកវិទ្យា»។
ជាមួយគ្នានេះដែរ បណ្ឌិត្យសភា នគរបាលកម្ពុជា ក៏ទទួលបានការយក ចិត្តទុកដាក់ឧបត្ថម្ភគាំទ្រ និងដឹកនាំបញ្ជាផ្ទាល់ពីសំណាក់ សម្តេចក្រឡាហោម អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងនីតិកាលកន្លងមក និងបច្ចុប្បន្ននេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ដែលមានទស្សន វិស័យវែងឆ្ងាយ ប្រកបដោយគំនិត ប្រាជ្ញាភិវឌ្ឍន៍និងទស្សនៈ កំណែទម្រង់ បានបន្តផ្តល់អាទិភាពខ្ពស់ និងផ្តល់ការឧបត្ថម្ភ គាំទ្រគ្រប់បែបយ៉ាង ក្នុងការអភិវឌ្ឍហេដ្ឋា រចនាសម្ព័ន្ធគ្រប់ប្រភេទ ដើម្បីជំរុញឱ្យបណ្ឌិត្យសភា នគរបាលកម្ពុជា មានលក្ខណសម្បត្តិ ស្របតាមស្តង់ដាគុណភាពនិ ងមានឧត្តមភាព អាចប្រៀបធៀបជា មួយស្ថាប័នបណ្តុះបណ្តាល នគរបាលនៃប្រទេស នានាក្នុងតំបន់។
ឯកឧត្តម បានសង្កត់ធ្ងន់ថា ជាពិសេសនៅថ្ងៃនេះ ការរៀបចំពិធីចុះ ហត្ថលេខាលើកិច្ចព្រមព្រៀង ស្តីពីកិច្ចសហប្រតិបត្តិការ ជាដៃគូយុទ្ធសាស្ត្រ រវាងបណ្ឌិត្យសភា នគរបាលកម្ពុជា និងក្រុមហ៊ុន អេអាយ ហ្វាម ឯ.ក ក្នុងគោលបំណង ដើម្បីគាំទ្រលើការស្រាវជ្រាវ អភិវឌ្ឍន៍ ការផលិត និងការផ្គត់ផ្គង់នូវ គ្រឿងឧបករណ៍ បច្ចេកវិទ្យា សម្ភារបច្ចេកទេស និងបម្រើឱ្យការ បណ្តុះបណ្តាល ហ្វឹកហាត់ ស្រាវជ្រាវលើការងារសន្តិសុខ សណ្តាប់ធ្នាប់សាធារណៈ និងសុវត្តិភាពសង្គម ស្របតាមភារកិច្ចរបស់ ប.ន.ក.៕
