(ខេត្តស្ទឹងត្រែង)៖ នាព្រឹកថ្ងៃទី៣ ខែកញ្ញា ឆ្នាំ២០២៥ ឯកឧត្តម អ៊ុត សំអន រដ្ឋលេខាធិការ ក្រសួងមហាផ្ទៃ និងជាតំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជា អធិបតីក្នុងពិធី ប្រកាសចូលកាន់ មុខតំណែង អភិបាលរង ខេត្តស្ទឹងត្រែង ដោយមានការ អញ្ជើញចូលរួម ពីឯកឧត្តម អនុរដ្ឋលេខាធិការ ក្រសួងមហាផ្ទៃ តំណាងអគ្គនាយកដ្ឋាន ចំណុះក្រសួងមហាផ្ទៃ ប្រធានក្រុមប្រឹក្សាខេត្ត អភិបាលខេត្ត ថ្នាក់ដឹកនាំខេត្ត ប្រធានមន្ទីរអង្គភាពជុំវិញខេត្ត អភិបាលក្រុង ស្រុក មន្រ្តីរាជការ កងកម្លាំងប្រដាប់ អាវុធគ្រប់លំដាប់ជាច្រើនរូប។
មានប្រសាសន៍ ក្នុងឱកាសនោះ ឯកឧត្តម អ៊ុត សំអន បានបញ្ជាក់ថា៖ ក្រោមការដឹកនាំ ប្រកបដោយគតិបណ្ឌិត របស់សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា និងជាប្រធានព្រឹទ្ធសភា និងបន្តវេនដោយ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា ចក្រកម្ពុជា ព្រមជាមួយនឹងការ ចង្អុលបង្ហាញ ណែនាំជាប្រចាំ ពីសំណាក់ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងការចូលរួមគាំទ្រ អនុវត្តពីគ្រប់សមាស ភាពពាក់ព័ន្ធ ក្នុងការអនុវត្តវិធាន ការនានា ដែលបានដាក់ចេញ ទាំងវិធានការរដ្ឋបាល និងវិធានការច្បាប់។
ជាមួយគ្នានោះ លោកបានថ្លែងនូវ ការកោតសរសើរ និងវាយតម្លៃខ្ពស់ ចំពោះក្រុមប្រឹក្សា គណៈអភិបាលក្រុង អាជ្ញាធរដែនដី គ្រប់លំដាប់ថ្នាក់ កងកម្លាំងប្រដាប់ អាវុធគ្រប់ប្រភេទ ដែលបានរួមសាមគ្គី សហការគ្នា ខិតខំប្រឹងប្រែង យ៉ាងសកម្ម ក្នុងការអនុវត្តកម្ម វិធីនយោបាយ និងយុទ្ធសាស្រ្តបញ្ច កោណរបស់រាជរដ្ឋាភិ បាលកម្ពុជា ដោយបានជំរុញអភិវឌ្ឍ ឱ្យមានការរីកចម្រើន លើគ្រប់វិស័យ និងរក្សាបាននូវសន្តិសុខ សណ្ដាប់សាធារណៈសង្គម បានល្អប្រសើរ។
ឯកឧត្តម សរ សុពុត្រា បានមានប្រសាសន៍ថា ក្នុងនាមក្រុមប្រឹក្សាខេត្ត និងគណៈអភិបាលខេត្ត បានចូលរួមអបអរសាទរ និងមានសេចក្ដីសង្ឃឹម ជឿជាក់យ៉ាងមុតមាំថា៖ អភិបាលរងខេត្ត ដែលបានប្រកាស ចូលកាន់មុខតំណែងនៅថ្ងៃនេះ នឹងអនុវត្តតួនាទីភារកិច្ច និងការទទួលខុស ត្រូវរបស់ខ្លួនប្រកប ដោយការសហការ សាមគ្គីភាព និងឯកភាពផ្ទៃក្នុង និងចូលរួមចំណែក ធ្វើឱ្យការអនុវត្ត ការងារ កាន់តែមានប្រសិទ្ធភាព ដើម្បី ជំរុញការអនុវត្តកម្មវិធី កំណែទម្រង់នានារបស់ រាជរដ្ឋាភិបាល លើកកម្ពស់ការផ្ដល់សេវា សាធារណៈជូន ប្រជាពលរដ្ឋ និងការអភិវឌ្ឍ ឱ្យកាន់តែមានការរីកចម្រើន ប្រកបដោយបរិយាបន្ន និងសមធម៌សង្គម ឆ្លើយតបទៅ នឹងសេចក្តីត្រូវការ និងសំណូមពរជាក់ ស្តែងពិតប្រាកដ របស់ប្រជាពលរដ្ឋ៕
សូមបញ្ជាក់ជូនថា៖ លោក ទូច គង្គា បានផ្ទេរពីក្រសួងមហាផ្ទៃ មកជាអភិបាលរង ខេត្តស្ទឹងត្រែង លោកស្រី វិន ស៊ីធួន ជា អភិបាលរង ខេត្តមណ្ឌលគីរី មកកាន់មុខតំណែង ជាអភិបាលរង ខេត្តស្ទឹងត្រែង លោក ម៉ែន គុង ជានាយករងរដ្ឋបាល ខេត្តស្ទឹងត្រែង បានកាន់មុខតំណែង ជាអភិបាលរងខេត្តស្ទឹងត្រែង។
