(ខេត្តបន្ទាយមានជ័យ)៖ នៅថ្ងៃអង្គារ ទី០២ ខែកញ្ញា ឆ្នាំ២០២៥ លោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាន នគរបាលខេត្ត បន្ទាយមានជ័យ បានអញ្ជើញទទួល ម៉ាស់ចំនួន២៦កេះធំ និង៥កេះតូច ពីតំណាងក្រុមហ៊ុន កម្ពុជាតេលា សម្រាប់ឧបត្ថម្ភដល់ស្នងការ ដ្ឋាននគរបាលខេត្ត បន្ទាយមានជ័យ។
ថ្លែងក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យ បានថ្លែងអំណរគុណ យ៉ាងជ្រាលជ្រៅ ដល់តំណាងក្រុមហ៊ុន កម្ពុជាតេលា ដែលបានឧបត្ថម្ភ ម៉ាស់ដល់ស្នងការដ្ឋាន នគរបាលខេត្ត បន្ទាយមានជ័យ សម្រាប់ប្រើប្រាស់ ក្នុងកិច្ចការងារផ្សេងៗ ជាពិសេសសម្រាប់ ប្រើប្រាស់ក្នុងអង្គភាព។
លោកឧត្តមសេនីយ៍ទោ សិទ្ធិ ឡោះ បានជូនពរដល់តំណាង ក្រុមហ៊ុនកម្ពុជាតេលាទាំងអស់ រកទទួលទានមានបាន និងជួបតែសេចក្ដីសុខ គ្រប់ប្រការ សុខភាពមាំមួន និងជួបប្រទៈតែពុទ្ធពរ ទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
