(ភ្នំពេញ)៖ នារសៀលថ្ងៃពុធ ទី៣ ខែកញ្ញា ឆ្នាំ២០២៥ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញទទួល ជួបសម្តែងការគួរសម និងពិភាក្សាការងារ ជាមួយ លោក Ritesh Kumar Singh នាយកប្រតិបត្តិតែងតាំង ថ្មីរបស់ក្រុមហ៊ុនស្មាត អាស្សាតា (Smart Axiata)។
លើកឡើង ក្នុងជំនួបនេះ លោក Ritesh Kumar Singh បានថ្លែងអំណរគុណចំពោះ ឯកឧត្តម ឧបនាយករដ្ឋមន្ត្រី ដែលបានអនុញ្ញាត ឱ្យរូបលោកផ្ទាល់ រួមជាមួយអតីត នាយកប្រតិបត្តិ និងសហការីចូល ជួបសម្តែងការគួរសម និងពិភាក្សាការងារ។ ក្នុងនាមលោកជា នាយកប្រតិបត្តិថ្មី លោកនឹងបន្តរក្សា ការផ្ដល់សេវាល្អ ប្រសើរជូនអតិថិជន ពោលរាល់អ្នកគាំទ្រដល់ ផលិតផលរបស់ ក្រុមហ៊ុនស្មាត អាស្សាតានាពេល កន្លងមក។ ពិសេសជាងនេះ ក្នុងនាមក្រុមហ៊ុន លោកក៏បានស្នើ សុំការបន្តគាំទ្រ ពីរាជរដ្ឋាភិបាលកម្ពុជា តាមរយៈក្រុម ប្រឹក្សាអភិវឌ្ឍន៍កម្ពុជា ពិសេសកិច្ចស ម្រួលវិនិយោគបន្ថែមទៀត លើប្រតិបត្តិការក្រុមហ៊ុន នៅកម្ពុជា។
ក្នុងជំនួបនេះ ឯកឧត្តមឧប នាយករដ្ឋមន្ត្រី បានអបអរសាទរ ជូនដល់លោក Ritesh Kumar Singh ដែលទទួលបាន ការតែងតាំងជា នាយកប្រតិបត្តិថ្មីរបស់ ក្រុមហ៊ុនស្មាត អាស្សាតា។ ឯកឧត្តមឧបនាយករដ្ឋមន្ត្រី បានថ្លែងការកោត សរសើរចំពោះក្រុមហ៊ុន ដែលបានបណ្ដាក់ ទុនវិនិយោគនៅកម្ពុជា បន្តពង្រឹងការវិនិយោគ និងពង្រីកការផ្ដល់ សេវាឱ្យកាន់តែល្អ ប្រសើរជូនដល់ប្រជាពលរដ្ឋ។
ឯកឧត្តមឧបនាយករដ្ឋមន្ត្រី បានយកឱកាសនេះ ដើម្បីជម្រាបជូនអំពីវឌ្ឍន ភាពនៃការងារទាក់ទាញវិនិ យោគមកកម្ពុជា តាមរយៈការគោះទ្វារ វិនិយោគនៅបរទេស ការរៀបចំវេទិកា រាជរដ្ឋាភិបាល-ផ្នែក ឯកជន និងការដាក់ ឱ្យប្រើប្រាស់នូវ ប្រព័ន្ធបច្ចេកវិទ្យាឌីជីថល។ ក្រុមប្រឹក្សាអភិវឌ្ឍន៍ កម្ពុជាបានដាក់ឱ្យ ប្រើប្រាស់ប្រព័ន្ធ គ្រប់គ្រងគម្រោង វិនិយោគកម្ពុជា (ប្រព័ន្ធ cdcIPM) ផ្តល់លទ្ធភាពឱ្យ វិនិយោគិនដាក់ពាក្យ បានគ្រប់ពេលវេលា គ្រប់ទីកន្លែង បង្កើតតម្លាភាព ប្រសិទ្ធភាព ជាពិសេសការប្រើប្រាស់ e-Signature e-Stamp និង QRCode verify ផ្តល់លទ្ធភាពឱ្យ ធ្វើការពិនិត្យនីតិវិធី និងអនុម័តគម្រោង ដោយចុះហត្ថលេខា និងត្រាអេឡិចត្រូនិក បានលឿនរហ័ស និងចេញវិញ្ញាបនបត្រ ជាទម្រង់ឌីជីថល សម្រាប់ប្រើប្រាស់ជា ផ្លូវការបានតែម្តង។
ជាលទ្ធផលវិជ្ជមាន រយៈពេល៨ខែដំបូង ឆ្នាំ២០២៥ មានគម្រោងវិនិយោគជិត ៥០០គម្រោង ត្រូវបានអនុម័ត ដោយក្រុមប្រឹក្សា អភិវឌ្ឍន៍កម្ពុជា។ អត្រានេះគឺច្រើនជាង រយៈពេលពេញមួយ ឆ្នាំ២០២៤ ដែលមាន ៤១៤គម្រោង។ តួលេខរយៈពេល៨ខែ ឆ្នាំ២០២៥នេះ គឺជាតួលេខបំបែក កំណត់ត្រាច្រើនជាង គេចាប់តាំងពីបង្កើត ក្រុមប្រឹក្សាអភិវឌ្ឍន៍ កម្ពុជាអស់រយៈពេលជាង ៣០ឆ្នាំកន្លងមក។
បន្ថែមពីនេះ ឯកឧត្តមឧបនាយករដ្ឋមន្ត្រី បានណែនាំឱ្យ ក្រុមហ៊ុនសហការជា មួយក្រុមប្រឹក្សាអភិវឌ្ឍន៍ កម្ពុជាក្នុងការចូលរួម ប្រើប្រាស់នូវសក្តានុ ពលសេវាដែលខ្លួនមាន ជំរុញការអភិវឌ្ឍសេដ្ឋកិច្ច សង្គមជាតិឱ្យបាន កាន់តែល្អប្រសើរឡើង មួយកម្រិតថែមទៀត។
លើសពីនេះ ឯកឧត្តមឧបនាយករដ្ឋមន្ត្រី បានណែនាំឱ្យក្រុមហ៊ុន សហការជាមួយ ក្រុមការងារបច្ចេក វិទ្យាឌីជីថលរបស់ ក្រុមប្រឹក្សាអភិវឌ្ឍន៍កម្ពុជា លើការធ្វើឌីជីថលូប នីកម្មក្នុងការផ្តល់ សេវាសាធារណៈ របស់ស្ថាប័នឱ្យបាន កាន់តែប្រសើរបន្ថែម ទៀតដូចបានរៀប រាប់ខាងលើ។
សូមជម្រាបជូនថា ក្រុមហ៊ុនស្មាត អាស្សាតា បានបណ្តាក់ទុន វិនិយោគនៅកម្ពុជា តាំងពីឆ្នាំ២០០៨ បច្ចុប្បន្នបានបង្កើត ការងារជូនបងប្អូន ប្រជាពលរដ្ឋជិត ៥ម៉ឺនកន្លែងទូទាំងប្រទេស បម្រើដល់អតិថិជន ជាង ៨លាននាក់ ក្រោយទទួលបានការ លើកទឹកចិត្តពីរាជរដ្ឋាភិបាល ស្របតាមការកំណត់ ក្នុងច្បាប់ស្តីពីវិនិ យោគនៃព្រះរាជាណាចក្រកម្ពុជា និងបទដ្ឋានគតិយុត្តជាធរមាន។ ភាពរីកចម្រើនរបស់ ក្រុមហ៊ុននេះក៏បាន ចូលរួមចំណែកយ៉ាង សកម្មក្នុងការអភិវឌ្ឍន៍ សង្គមសេដ្ឋកិច្ច របស់កម្ពុជាផងដែរ តាមរយៈការចូលរួមបង់ ចំណូលថវិកាជាតិ។
