(ភ្នំពេញ)៖ នៅព្រឹកថ្ងៃទី២ ខែកញ្ញា ឆ្នាំ២០២៥ ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ និងជាប្រធានគណៈ កម្មការអន្តរក្រសួង បានអញ្ជើញដឹកនាំ កិច្ចប្រជុំអន្តរក្រសួង ដើម្បីពិភាក្សាលើ សេចក្តីព្រាងសេចក្តី ប្រកាសរួមនៃ កិច្ចប្រជុំលើកទី១៣ ស្តីពីកិច្ចសហប្រតិបត្តិការ និងការអភិវឌ្ឍ បណ្តាខេត្តជាប់ ព្រំដែនកម្ពុជា-វៀតណាម នៅទីស្តីការ ក្រសួងមហាផ្ទៃ។
កិច្ចប្រជុំនេះ មានការអញ្ជើញ ចូលរួមពីតំណាងក្រសួង ស្ថាប័នពាក់ព័ន្ធ និងតំណាង រដ្ឋបាលខេត្តជាប់ ព្រំដែនជាមួយ ប្រទេសវៀតណាម ព្រមទាំងមន្រ្តី ជំនាញជាច្រើនរូប។
កិច្ចប្រជុំអន្តរក្រសួង នេះត្រូវបានរៀបចំឡើង ដើម្បីពិភាក្សានិងផ្ដល់ ធាតុចូលលើសេចក្តី ព្រាងសេចក្តី ប្រកាសរួមនៃកិច្ច ប្រជុំលើកទី១៣ ស្តីពីកិច្ចសហ ប្រតិបត្តិការ និងការអភិវឌ្ឍ បណ្តាខេត្តជាប់ព្រំដែន កម្ពុជា-វៀតណាម ពីក្រសួង ស្ថាប័នពាក់ព័ន្ធ និងរដ្ឋបាលខេត្តជាប់ ព្រំដែនជាមួយ ប្រទេសវៀតណាម។
សូមជម្រាបជូនថា ភាគីកម្ពុជានឹងទទួល ធ្វើជាម្ចាស់ផ្ទះរៀបចំ កិច្ចប្រជុំលើកទី១៣ ស្តីពីកិច្ចសហប្រតិបត្តិការ និងការអភិវឌ្ឍបណ្តា ខេត្តជាប់ព្រំដែន កម្ពុជា-វៀតណាម ចាប់ពីថ្ងៃទី៦-១០ ខែតុលា ឆ្នាំ២០២៥ខាងមុខនេះ។
