(ភ្នំពេញ)៖ នៅថ្ងៃអង្គារ ទី២ ខែកញ្ញា ឆ្នាំ២០២៥ ឯកឧត្តម ឆែម សាវុធ រដ្ឋលេខាធិការ ក្រសួងមហាផ្ទៃ ទទួលការងារ អគ្គនាយកដ្ឋានពន្ធនាគារ បានអញ្ជើញជា អធិបតីដឹកនាំកិច្ច ប្រជុំបូកសរុប លទ្ធផលការងារ ប្រចាំខែសីហា និងលើកទិសដៅ ការងារសម្រាប់ខែបន្ទាប់ របស់អគ្គនាយកដ្ឋាន ពន្ធនាគារ ក្រសួងមហាផ្ទៃ ដោយមានការ អញ្ជើញចូលរួមពី ឯកឧត្តម ឧត្តមអគ្គានុ រក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋាន ពន្ធនាគារ និងអ្នកពាក់ព័ន្ធ ជាច្រើនរូបទៀត។
នាឱកាសនោះដែរ ឯកឧត្តម ឈន សាណាត អគ្គនាយក នៃអគ្គនាយកពន្ធនាគារ បានធ្វើសេចក្តីរាយ ការណ៍សង្ខេបអំពី ៖ សកម្មភាពថ្នាក់ដឹកនាំ ស្ថានភាពជនជាប់ឃុំ និងការអនុវត្តនីតិវិធី ការងារសន្តិសុខពន្ធនាគារ ការងារអប់រំកែប្រែ និងស្តារនីតិសម្បទា ការងារបណ្តុះ បណ្តាលវិជ្ជាជីវៈ និងមុខរបរ ការងារសុខភាព ពន្ធនាគារ ការងារសំណង់ពន្ធនាគារ និងកិច្ចការរដ្ឋបាល អគ្គនាយកដ្ឋានពន្ធនាគារ និងបន្តជំរុញដល់ បណ្តានាយកដ្ឋាន មណ្ឌលអប់រំកែប្រែ និងពន្ធនាគាររាជធានី ខេត្ត ឱ្យអនុវត្តការងារដែល នៅសេសសល់ រួមទាំងការងារថ្មីៗ សម្រាប់អនុវត្តឱ្យ ស្របតាមផែនការ សកម្មភាពប្រចាំឆ្នាំ។
ឆ្លៀតក្នុងឱកាសនោះ ឯកឧត្តម រដ្ឋលេខាធិការ ក៏បានផ្តល់អនុសាសន៍ សំខាន់ៗរួមមាន៖
– សូមតាមពន្ធនាគារ ត្រូវបន្តធ្វើការងារតាម គោលការណ៍របស់ អគ្គនាយកដ្ឋាន ពន្ធនាគារឱ្យបាន កាន់តែល្អប្រសើរ
– សូមពិនិត្យមើលលើការ រៀបចំលិខិតបទដ្ឋាន ពាក់ព័ន្ធផ្ទះមុខងាររបស់មន្រ្តី
– សូមជួយពិនិត្យមើល លើភាពចង្អៀតណែន តាមពន្ធនាគារ និងអនាម័យលើ ជនជាប់ឃុំឱ្យបាន ល្អប្រសើរ
– សូមបន្តយកចិត្តទុកដាក់ លើការធ្វើតេស្តស្វែង រកសារធាតុញៀន លើជនជាប់ឃុំ និងមន្រ្តី
– សូមបន្តធ្វើការយក ចិត្តទុកដាក់ និងពង្រឹងលើការងារ សន្តិសុខនៅក្នុងពន្ធនាគារ ជាពិសេសការ ទប់ស្កាត់រាល់ការនាំចូល នូវវត្ថុហាមឃាត់
– ជំរុញលើកិច្ចការងារ បែងចែកចំណាត់ ថ្នាក់សន្តិសុខ
– គ្រប់ពន្ធនាគារទាំងអស់ ត្រូវយកចិត្តទុកដាក់ ទៅលើជំងឺឆ្លងរមាស់ នៅក្នុងពន្ធនាគារ ជាពិសេសគឺសុខ ភាពរបស់ជនជាប់ឃុំ
– សូមអគ្គនាយកដ្ឋានបន្ត និងជំរុញលើកិច្ចការងារ បណ្ដុះបណ្ដាលវិជ្ជាជីវៈ ឱ្យកាន់តែប្រសើរ៕
