(ភ្នំពេញ)៖ លេខាធិការដ្ឋាន គ.ជ.អ.ប. អគារ (v)៖ ថ្ងៃចន្ទ ទី១ ខែកញ្ញា ឆ្នាំ២០២៥ ឯកឧត្តម ចាន់ សុធា រដ្ឋលេខាធិការ ក្រសួងមហាផ្ទៃ និងជាប្រធាន លេខាធិការដ្ឋាន គ.ជ.អ.ប. បានអញ្ជើញដឹកនាំ កិច្ចប្រជុំពិភាក្សា រវាងលេខាធិការដ្ឋាន គ.ជ.អ.ប និងអង្គការមូលនិធិអាស៊ី ដោយមានការអញ្ជើញ ចូលរួមពីថ្នាក់ដឹកនាំ និងមន្រ្តីជំនាញនៃ លេខាធិការដ្ឋាន គ.ជ.អ.ប. និងមន្ត្រីពាក់ព័ន្ធរបស់ អង្គការមូលនិធិអាស៊ី។
កិច្ចប្រជុំពិភាក្សានេះ មានគោលបំណង សំខាន់ដូចខាងក្រោម៖ ១.ពិភាក្សាលើបញ្ហា លំបាករបស់ប្រជា ពលរដ្ឋដែលទទួល រងផលប៉ះពាល់ ពីជម្លោះព្រំដែនថៃ និងកម្ពុជា ២.ពិនិត្យលទ្ធភាពគាំទ្រ ក្នុងទំហំសមស្របទៅ នឹងតម្រូវការរបស់ គ្រួសារជនរងគ្រោះ និងជួយគាំទ្រដល់ អាជ្ញាធរមូលដ្ឋានស្តីពី ការពង្រឹងសមត្ថ ភាពរដ្ឋបាលថ្នាក់ក្រោម ជាតិជាពិសេសថ្នាក់ស្រុក និងឃុំសង្កាត់។ ការគាំទ្រនេះនឹង ពិនិត្យបញ្ហាចម្បង និងសកម្មភាព ចូលរួមសំខាន់ៗ ពីភាគីពាក់ព័ន្ធរួមមាន៖
ពង្រីកកិច្ចសហការជា មួយភាគីពាក់ព័ន្ធ រួមមានវិស័យឯកជន អង្គការនានា ដើម្បីកៀរគរធនធាន សម្រាប់ការកែលម្អ
ការពង្រឹងសមត្ថភាព ទាក់ទងការងារបច្ចេកទេស ក្នុងការដាក់បញ្ចូល ផែនការសកម្មភាព ទប់ទល់នឹងគ្រោះភ័យ គ្រោះមហន្តរាយ និងភាពធន់ទៅនឹងការ ប្រែប្រួលអាកាសធាតុ (DRR/Climate Resilience) ចូលក្នុងផែនការ ឃុំ សង្កាត់៕
