(ខេត្តក្រចេះ)៖ នៅថ្ងៃចន្ទ ទី០១ ខែកញ្ញា ឆ្នាំ២០២៥ ឯកឧត្តម ហេង សុថា អភិបាលរងខេត្ត តំណាងឯកឧត្តម វ៉ា ថន អភិបាលខេត្ត បានអញ្ជើញទទួល ជួបសម្តែងការគួរសម ពិភាក្សាការងារ ដើម្បីស្វែងយល់ពី សកក្តានុពលដែល ខេត្តក្រចេះមាន និងដើម្បីពង្រឹងនិង ពង្រីកកិច្ចសហ ប្រតិបត្តិការដៃជាមួយ ឯកឧត្តម សានតូ ដាម៉ូ ស៊ូម៉ាតូ (SANTO DARMOSUMARTO) ឯកអគ្គរដ្ឋទូតវិសាមញ្ញ និងពេញសមត្ថភាព នៃ សាធារណរដ្ឋឥណ្ឌូនេស៊ី ប្រចាំព្រះរាជា ណាចក្រកម្ពុជា។
ឯកឧត្តម ហេង សុថា អភិបាលរងខេត្ត មានប្រសាសន៍ថា៖ ខេត្តក្រចេះមានផ្ទៃដីសរុប ១១,០៩៤ គីឡូម៉ែត្រការេ ចែកចេញជា ៧ក្រុង ស្រុក ៤៨ឃុំ សង្កាត់ និង ៣២៧ភូមិ។ ខេត្តមានច្រកទ្វារ ព្រំដែនចំនួន២ ដែលកំពុងបម្រើដល់ ការដឹកជញ្ជូនទំនិញ កសិផល និងការទំនាក់ទំនង កិច្ចសហប្រតិបត្តិការ ទ្វេភាគ្គីបានយ៉ាងល្អប្រសើរ។ ចំពោះវិស័យ កសិកម្ម-កសិឧស្សាហ៍កម្ម ខេត្តមានក្រុម ហ៊ុនវិនិយោគចំនួន ៤៨ក្រុមហ៊ុន មានកសិដ្ឋានចិញ្ចឹម គោសរុបចំនួន ២៤,០០០ក្បាល -វិស័យរ៉ែ និងថាមពល ខេត្តមានក្រុមហ៊ុន សហគ្រាស សរុបចំនួន៧២ និងមានក្រុមហ៊ុនធ្វើ អាជីវកម្មរ៉ែមាស ចំនួន១ក្រុមហ៊ុន វិនិយោគិនមក ពីប្រទេសចិន។ ហើយការគ្រប់គ្រង និងចែកចាយ អគ្គីសនីក្នុងខេត្ត មានគ្រប់គ្រាន់ សម្រាប់តម្រូវការ បច្ចុប្បន្នគ្រប់ដណ្តប់ លើភូមិចំនួន ២៩៧ភូមិ ស្មើនឹង ៩០,៨៣% ។
ឯកឧត្តមបន្តថា៖ ចំពោះវិស័យ ទេសចរណ៍ ខេត្តមានតំបន់ រមណីយដ្ឋាន ទាំង-រមណីយដ្ឋានវប្បធម៌ ប្រវត្តិសាស្រ្ត-វប្បធម៌ ធម្មជាតិ-ប្រវត្តិសាស្រ្ត-ធម្មជាតិ-សហគមន៍ អេកូទេសចរណ៍ និងកែច្នៃ សរុបចំនួន ២៤ កន្លែង -វិស័យពាណិជ្ជកម្ម និងឧស្សាហ៍កម្ម-សិប្បកម្ម ខេត្តមានក្រុមហ៊ុន ១៦២ក្រុមហ៊ុន និង២២៧ សហគ្រាស និងមានផែស្ងួត១កន្លែង និងមានរដ្ឋបាល តំបន់សេដ្ឋកិច្ចពិសេស ១កន្លែង-វិស័យការងារ និងបណ្តុះបណ្តាលវិជ្ជាជីវៈ ខេត្តមានរោងចក្រ សហគ្រាសចំនួន ២៤៣ កន្លែង មានកម្មករនិយោជិក បម្រើការងារចំនួន ១៩,៣៩១នាក់ ក្នុងនោះមក ពីបរទេសចំនួន ១,០៤២ នាក់។
ឯកឧត្តម សានតូ ដាម៉ូ ស៊ូម៉ាតូ ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋ ឥណ្ឌូនេស៊ី ប្រចាំ ព្រះរាជាណាចក្រកម្ពុជា បានបញ្ជាក់ថា៖ ចំណងមិត្តភាព និងកិច្ចសហប្រតិបត្តិ ការទ្វេភាគីរវាង ប្រទេសទាំងពីរ ព្រះរាជាណាចក្រកម្ពុជា និង សាធារណរដ្ឋឥណ្ឌូនេស៊ី មានជាង៣៧ ឆ្នាំមកហើយ និងក្នុងពេលបច្ចុប្បន្ននេះ នឹងបន្តកិច្ចសហ ប្រតិបត្តិការនេះ រួមនឹងពង្រឹងពង្រីក ការនាំចេញនិងនាំ ចូលទៅមក ដើម្បីសេដ្ឋកិច្ច ពាណិជ្ជកម្មរបស់ ប្រទេសទាំងពីរ ។ រដ្ឋាភិបាលឥណ្ឌូនេស៊ី ក៏បាននឹងកំពុងផ្តល់ នូវអាហារូបករពិសេស បន្ថែមលើអាហា រូបករធម្មតា មកឱ្យនិស្សិតកម្ពុជា រួមនិងខេត្តក្រចេះ ដើម្បីមានឱកាស បានសិក្សានូវ ចំណេះដឹង និងបច្ចេកទេសថ្មីបន្ថែម ដើម្បីយកមកធ្វើការ អភិវឌ្ឍមូលដ្ឋានខ្លួន។
ឯកឧត្តមឯកអគ្គរដ្ឋទូត ក៏បានថ្លែងអំណរ គុណចំពោះរាជ រដ្ឋាភិបាលកម្ពុជា ជាពិសេសអាជ្ញាធរ ខេត្តក្រចេះ ដែលបានជួយ ថែរក្សាការពារ និងសម្របសម្រួល ដល់ការរស់នៅ និងកិច្ចការងារផ្សេង របស់ប្រជាជនឥណ្ឌូនេស៊ី ។ យើងនឹងខិតខំពិនិត្យ ពិភាក្សារួមគ្នា ដើម្បីរកវិធីណា ដើម្បីឱ្យកិច្ចសហ ប្រត្តិបត្តិការ បានដើរទៅមុខរួមគ្នា ប្រកបដោយចីរភាព និងការរីកចម្រើនជាមួយគ្នា៕
