(ព្រៃវែង)៖ នៅព្រឹកថ្ងៃទី០១ ខែកញ្ញា ឆ្នាំ២០២៥ ឯកឧត្តមសន្តិបណ្ឌិត ចាន់ អ៊ាន រដ្ឋលេខាធិការ ក្រសួងមហាផ្ទៃ និងឯកឧត្តម សួន សុម៉ាលីន អភិបាល នៃគណៈ អភិបាលខេត្តព្រៃវែង បានអញ្ជើញជា អធិបតីក្នុង កិច្ចប្រជុំបូកសរុប លទ្ធផលការងារ ភូមិ-ឃុំ-សង្កាត់ មានសុវត្ថិភាព ប្រចាំឆមាសទី១ ឆ្នាំ២០២៥ នៃខេត្តព្រៃវែង នៅសាលាខេត្តព្រៃវែង។
ក្នុងនោះលោក ឧត្ដមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាន នគរបាលខេត្តព្រៃវែង លើកឡើងថា ក្នុងឆមាសទី ១ ឆ្នាំ២០២៥ នេះ គណៈបញ្ជាការ ឯកភាពរដ្ឋបាលខេត្ត បានយកចិត្ត ទុកដាក់ដឹកនាំ បានជំរុញសកម្មភាព ការងាររបស់ ក្រុមការងារខេត្ត ចុះតាមមូលដ្ឋាន ឃុំ-សង្កាត់ បន្តការងារដឹកនាំ ត្រួតពិនិត្យ កែលម្អការអនុវត្ត គោលនយោបាយ ភូមិ-ឃុំ-សង្កាត់ មានសុវត្ថិភាព របស់ថ្នាក់ ស្រុក/ក្រុង ឃុំ-សង្កាត់ តាមផែនការសកម្មភាព និងទិសដៅ ត្រូវអនុវត្ត បានបន្តបង្កើន ការយកចិត្តទុកដាក់ ពង្រឹងការងារត្រួត ពិនិត្យសកម្មភាព ក្រុមប្រចាំការ អចិន្ត្រៃយ៍ នៅសាលាខេត្ត-ស្រុក-ក្រុង ក៏ដូចជាកម្លាំង ក្រុមអន្តរាគមន៍ នៅថ្នាក់ ខេត្ត-ស្រុក-ក្រុង (នគរបាល, អាវុធហត្ថ, យោធា) ពិសេសនៅថ្នាក់ ឃុំ-សង្កាត់ និងបានជំរុញ សកម្មភាពក្រុម ការងារចុះមូល ដ្ឋាន ឃុំ-សង្កាត់ របស់គណៈបញ្ជាការ ឯកភាពខេត្ត រួមជាមួយក្រុម ការងារគណៈ បញ្ជាការឯកភាព រដ្ឋបាល ស្រុក-ក្រុង បានចុះធ្វើការងារ ត្រួតពិនិត្យពង្រឹង ក្រុមប្រជាការពារធ្វើ សកម្មភាពចូលរួម យាមកាមការពារ ភូមិ-ឃុំ និងណែនាំដល់ ប្រជាពលរដ្ឋយកចិត្ត ទុកដាក់ប្រុងប្រយ័ត្ន ថែរក្សាការពារ ទ្រព្យសម្បត្តិ មានកន្លែង ទុកដាក់សុវត្ថិភាព ត្រួតពិនិត្យ និងពង្រឹងកម្លាំងប៉ុស្តិ៍ រដ្ឋបាលបង្កើនសកម្ម ភាពចុះប្រចាំការជាមួយ ក្រុមប្រជាការពារ អាជ្ញាធរ មូលដ្ឋានរួម ធ្វើសកម្មភាព យាមកាមពេលយប់។
ឯកឧត្តមសន្តិបណ្ឌិត ចាន់ អ៊ាន មានប្រសាសន៍ លើកឡើងថា លើការងារសន្តិសុខ សណ្តាប់សាធារណៈ និងសុវត្ថិភាពសង្គម ក្នុងដែនសមត្ថកិច្ច របស់ខេត្ត ជារួម រក្សាការពារបាន យ៉ាងល្អប្រសើរ ដែលកើតចេញពី ការយកចិត្តទុកដាក់ អនុវត្តជាប់ជាប្រចាំ នូវបណ្តាវិធានការនានា ក្នុងការពង្រឹងការអនុវត្ត គោលនយោបាយ ភូមិ-ឃុំ-សង្កាត់មានសុវត្ថិភាព នៅគ្រប់មូលដ្ឋាន និងត្រូវបន្តយកចិត្តទុកដាក់ ក្នុងការចាត់វិធាន ការទប់ស្កាត់បទល្មើសនានា និងសកម្មភាព អសកម្មមួយចំនួន សំដៅ បង្កលក្ខណៈសុខដុម រមនាដល់ការរស់នៅ និងការប្រកបមុខ របរក្នុងជីវភាពប្រចាំ ថ្ងៃរបស់ប្រជាពលរដ្ឋបានល្អ ប្រសើរ។
ឯកឧត្តមសន្តិបណ្ឌិត ក៏បានណែនាំដល់ គណៈបញ្ជាការ ឯកភាពរដ្ឋបាលខេត្ត និងស្នងការដ្ឋាន នគបាលខេត្ត ត្រូវខិតខំប្រឹងប្រែង និងយកចិត្តទុក ដាក់បន្ថែមទៀត ក្នុងការបង្ក្រាប បទល្មើសព្រហ្មទណ្ឌ ការងារប្រឆាំង គ្រឿងញៀន បង្ក្រាបក្មេងទំនើង ល្បែងស៊ីសង និងការកាត់បន្ថយ គ្រោះថ្នាក់ចរាចរណ៍ ជាមួយនោះ ត្រូវជំរុញនូវការផ្សព្វផ្សាយ និងការៀបចំវេទិការ សាធារណៈនៅមូលដ្ឋាន ដើម្បីបង្កើននូវ ការស្រឡាញ់ជឿ ទុកចិត្តរបស់ ប្រជាពលរដ្ឋ មក លើកម្លាំងសមត្ថកិច្ច និងអាជ្ញាធរ គ្រប់លំដាប់ថ្នាក់ ព្រមទាំងចូលរួមក្នុង ការអនុវត្តគោល នយោបាយ ភូមិឃុំសង្កាត់ មានសុវត្ថិភាព និងបានស្ម័គ្រចិត្ត ចូលរួមក្នុងចលនា ប្រជាការពារ យាមកាមការពារភូមិ ឃុំ ៕
