រដ្ឋមន្ត្រីសុខាភិបាល «ជំរុញឱ្យអ្នកដឹកនាំ សុខាភិបាលគ្រប់ ឋានានុក្រមស្ថិត នៅក្នុងភាពសកម្មជានិច្ច ជាពិសេសក្នុង កាលៈទេសៈដែល មានឧបសគ្គរា រាំងចំពោះមុខ។»

(ភ្នមពេញ)៖ នៅថ្ងៃអង្គារ ១០កើត ខែ ភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២ ខែកញ្ញា ឆ្នាំ២០២៥ ចាប់ពីម៉ោង ២:០០នាទីរសៀល ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួង សុខាភិបាល  បានចែករំលែក បទពិសោធន៍នៃ ភាពជាអ្នកដឹកនាំ និងនវានុវត្តន៍ និងលទ្ធិសម្ភារៈ និយមវិចារវិទ្យា ជូនថ្នាក់ដឹកនាំ និងមន្រ្តីសុខាភិបាល គ្រប់ឋានានុក្រមក្រោម ឱវាទក្រសួងសុខាភិបាល តាមប្រព័ន្ធវីដេអូស ន្និសីទ (Zoom) ដែលមានសមាស ភាពចូលរួមសរុបចំនួន ៣៥៨៥នាក់។

ជាកិច្ចចាប់ផ្តើម ឯកឧត្តមសាស្រ្តាចារ្យរដ្ឋមន្រ្តី បានរំលេចនូវភាព ចាំបាច់នៃការទទួល ខុសត្រូវរបស់ថ្នាក់ ដឹកនាំសុខាភិបាល គ្រប់ជាន់ថ្នាក់ក្នុង ការចូលរួមបង្កើតលទ្ធភាព ដែលធ្វើឱ្យវិស័យ សុខាភិបាល អាចមានភាពរីកចំរើន នាពេលកន្លងមក នឹងទៅអនាគត។

ជាកិច្ចបន្ត ឯកឧត្តមសាស្ត្រា ចារ្យរដ្ឋមន្ត្រី ក៏បានលើកឡើង ចំនុចគន្លឺះ ២ នៃចំនុចគន្លឺះចំនួន៨ ដែលអ្នកដឹកនាំម្នាក់ៗត្រូវបំពេញ ដើម្បីក្លាយទៅជា អ្នកដឹកនាំស្ថិតនៅ ក្នុងភាពសកម្ម (a leader need to be in action)។ ចំនុចគន្លឹះទាំង២ រួមមាន៖ ១) អ្នកដឹកនាំត្រូវមាន ការត្រៀមខ្លួន និងរស់រវើកជាប់ ជានិច្ច(be attentive) ទៅលើកត្តាផ្សេងៗ ដែលអាចប៉ះពាល់ដល់ ភាពជោគជ័យ ឬ បរាជ័យរបស់ គម្រោងការងារ។ ២)អ្នកដឹកនាំត្រូវមាន ការព្យាយាមស្វិតស្វាញ (perseverance) និងប្រកាន់យក ឥរិយាបទវិជ្ជមានពេល ប្រឈមនឹងឧបសគ្គ ចំពោះមុខ។ ក្រៅពីចំនុចគន្លឺះលើ ភាពជាអ្នកដឹកនាំ ទាំងពីរខាងលើនេះ ឯកឧត្តមសាស្រ្តាចារ្យ បានបន្តរលើកយក ទ្រឺស្តីនៃការយល់ដឹង របស់មនុស្សតាម លទ្ធិសម្ភារៈនិយមវិចារវិទ្យា ដោយធ្វើការពន្យល់ពីការ វិវត្តន៍នៃការយល់ដឹង របស់មនុស្ស ដែលអាចកើតឡើងដោយ ការពិចារណារបែប សកម្ម និងការវិវត្តន៍ របស់សង្គម និងពិភពលោក។

ជាចុងបញ្ចប់ ដោយមាន ការអនុញ្ញាតពី ឯកឧត្តមសាស្រ្តា ចារ្យរដ្ឋមន្ត្រី នៅក្នុងសប្តាហ៍នេះ ក៏មានបទបង្ហាញពី មន្ទីរពេទ្យបង្អែក ស៊ីធរកណ្តាល នៃមន្ទីរសុខាភិបាល នៃរដ្ឋបាលខេត្តព្រៃវែង។