(ភ្នំពេញ)៖ ឯកឧត្តម វ៉ាង វិនពិន ឯកអគ្គរដ្ឋទូត នៃសាធារណរដ្ឋ ប្រជាមានិតចិន ប្រចាំនៅព្រះរាជា ណាចក្រកម្ពុជា បានចូលរួមអបអរសាទរ សម្តេចមហាបវរធិបតី ហ៊ុន ម៉ាណែត បានចូលរួមដោយ ជោគជ័យក្នុងកិច្ច ប្រជុំរបស់អង្គការសហ ប្រតិបត្តិការសៀងហៃ បូក។
តាមរយៈបណ្តាញ សង្គមការងារផ្លូវការ នារាត្រីថ្ងៃទី១ ខែកញ្ញា ឆ្នាំ២០២៥នេះ ឯកឧត្តម ឯកអគ្គរដ្ឋទូត បានគូសរំលេចថា សម្លេងរបស់ប្រទេស កម្ពុជាឮកាន់តែខ្លាំងឡើងៗ នៅលើឆាកអន្តរជាតិ។ កម្ពុជា តស៊ូឡើង។
គួរជម្រាបជូនថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅរសៀលថ្ងៃចន្ទ ទី១ ខែកញ្ញា ឆ្នាំ២០២៥នេះ បានអញ្ជើញចូល រួមកិច្ចប្រជុំកំពូល អង្គការសហប្រតិ បត្តិការសៀងហៃបូក (SCO Plus Summit) ដែលរៀបចំធ្វើឡើង នៅទីក្រុងធានជីន ប្រទេសចិន ក្រោមមូលបទ «ការអនុវត្តពហុភា គីនិយម, ការធានា សន្តិសុខតំបន់ និង ការលើកកម្ពស់ការ អភិវឌ្ឍប្រកបដោយចីរភាព»។
កិច្ចប្រជុំនេះ ត្រូវបានដឹកនាំដោយ ប្រធានាធិបតីចិន លោក ស៊ី ជីនពីង និងមានការអញ្ជើញ ចូលរួមពីបណ្ដា មេដឹកនាំបណ្តាប្រទេស នានាជាសមាជិក អ្នកសង្កេតការណ៍ ដៃគូសន្ទនាជាង២០ប្រទេស និងមេដឹកនាំអង្គ ការអន្តរជាតិមួយចំនួនទៀត ដូចជាអង្គការ សហប្រជាជាតិ និងអាស៊ាន។
ថ្លែងក្នុងឱកាសនោះ សម្តេចបវរធិបតី ហ៊ុន ម៉ាណែត បានបញ្ជាក់ ពីប្តេជ្ញាចិត្តឥត ងាករេរបស់កម្ពុជា ក្នុងការចូលរួមការ ពារសន្តិសុខតំបន់ ជំរុញការអភិវឌ្ឍ ប្រកបដោយចីរភាព វិបុលភាព និងកិច្ចសហ ប្រតិបត្តិការ សម្រាប់ប្រទេស ជាសមាជិកទាំងអស់។
