(ខេត្តប៉ៃលិន)៖ នៅថ្ងៃទី៣១ ខែសីហា ឆ្នាំ២០២៥ ដោយស្របតាមអនុសាសន៍ ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាន នគរបាលខេត្តប៉ៃលិន បានដឹកនាំមន្ត្រី ក្រោមឱវាទអញ្ជើញ ចុះត្រួតពិនិត្យ ស្ថានភាព ទឹកស្ទឹងបរយ៉ាខា ដែលបានឡើងខ្ពស់ក្រោយ មានភ្លៀងធ្លាក់ចំនួនមួយមេធំ និងបានដឹកនាំកម្លាំង ចុះជួយសង្គ្រោះប្រជាពលរដ្ឋ នៅតាមបណ្តោយស្ទឹង ដែលរងផលប៉ះពាល់ ដោយទឹកជំនន់ ស្ថិតនៅសង្កាត់បរយ៉ាខា ក្រុងប៉ៃលិន ខេត្តប៉ៃលិន ។
ក្នុងនោះដែរលោកស្នង ការក៏បានដាក់វិធាន ការដល់កម្លាំង”ខ”អន្តរាគមន៍ នៃស្នងការដ្ឋាន នគរបាលខេត្ត និងអធិការដ្ឋាន នគរបាលក្រុង/ស្រុក ឱ្យត្រៀមលក្ខណៈឱ្យបាន គ្រប់គ្រាន់ទាំងកម្លាំងនិង សម្ភារមធ្យោបាយដើម្បី ដោះស្រាយត្រៀម ជួយសង្គ្រោះប្រជាពលរដ្ឋ ទៅកាន់ទីទួលដែលមាន សុវត្ថិភាពឱ្យបានទាន់ពេលវេលា ។
