(ខេត្តស្ទឹងត្រែង)៖ នៅព្រឹកថ្ងៃទី ៣១ ខែ សីហា ឆ្នាំ២០២៥ នេះ ឯកឧត្តម ឈាង ឡាក់ ប្រធានក្រុមប្រឹក្សាខេត្ត និង ឯកឧត្តម សរ សុពុត្រា អភិបាលខេត្តស្ទឹងត្រែង និងជាប្រធាន កិត្តិយស សមាគមអតីតយុទ្ធជន កម្ពុជាខេត្តស្ទឹងត្រែង បានអញ្ជើញជួបសួរសុខទុក្ខ សំណេះសំណាលក្នុង ពិធីចែកអំណោយ របស់ សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុនី ហ៊ុនម៉ាណែត តាមរយះ សមាគមអតីតយុទ្ធជនកម្ពុជាខេត្តស្ទឹងត្រែង ជូនសមាជិកអតីតយុទ្ធជន គ្រួសារអតីតយុទ្ធជន និង គ្រួសារក្រីក្រ ចំនួន២៩០គ្រួសារ នៅទីបញ្ជាការតំបន់ ប្រតិបត្តិការសឹករងស្ទឹងត្រែង ។
ក្នុងពិធីនេះក៏មានកា រអញ្ជើញចូលរួមដោយ សមាជិកក្រុមប្រឹក្សាខេត្ត គណៈអភិបាលខេត្ត ក្រុង ស្រុក កងកម្លាំងប្រដាប់វុធ ទាំង ៣ ប្រភេទ និង លោក លោកស្រីដែលជា ប្រធាន អនុប្រធានមន្ទីរ មន្ទីរអង្គភាព ជុំវិញខេត្ត ជាច្រើនរូប ។
ឯកឧត្តម សរ សុពុត្រា បានមានប្រសាសន៍ថា អំណោយដែលយក ផ្តល់ជូនពេលនេះ គឺជាអំណោយដ៏ថ្លៃថ្លា របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ។
ឯកឧត្តមអភិបាលខេត្ត ក៏បានពាំនាំការ សួរសុខទុក្ខ ពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំង សម្តេចបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវ ផងដែរ ។
ឯកឧត្តម សរ សុពត្រា បានបន្តថាអំណោយ ដែលផ្តល់ជូនពេលនេះគឺ ដើម្បីចូលរួមចំណែក ដោះស្រាយបញ្ហាដែល ជួបប្រទះ ខ្វះខាត និងដោះស្រាយជីវភាព របស់បងប្អូន សមាជិកអតីតយុទ្ធជន គ្រួសារអតីតយុទ្ធជន និង គ្រួសារជួប ការលំបាក មួយកម្រិត និង សំដៅការអភិវឌ្ឍ រួមចំណែកលើក កម្ពស់ជីវភាពរបស់ បងប្អូនឱ្យកាន់តែល្អថែមទៀត ។
ឯកឧត្តម អភិបាលខេត្ត ថ្លែងបញ្ជាក់បន្ថែមថា ក្រោមការដឹកនាំរបស់ សម្តេចបវរធិបតី ហ៊ុន ម៉ាណែត នាយករដ្ឋ មន្រ្តីនៃព្រះរាជា ណាចក្រកម្ពុជា អាណត្តិទី៧នេះ និងបន្តធ្វើឱ្យប្រទេស មានសុខសន្តិភាព និងបានកសាងអភិវឌ្ឍន៍ ហេដ្ឋរចនាសម្ព័ន លើគ្រប់វិស័យ ព្រមទាំងបានយកចិត្ត ទុកដាក់គិតគូសុខទុក្ខ របស់ប្រជាពលរដ្ឋ ទូទាំងប្រទេស គឺមិនឱ្យប្រជាពលរដ្ឋ ខ្វះខាតលំបាកនោះទេ។
ឆ្លៀតក្នុងឱកាសនោះដែរ ឯកឧត្តម អភិបាលខេត្ត ក៏បានរាយការណ៍ អំពី បច្ចុប្បន្នភាព អំពី ការវិវត្ត នៅតាមខ្សែបន្ទាត់ព្រំដែន កម្ពុជា ថៃ ដោយក្នុងនោះ ឯកឧត្តម សរ សុពុត្រា ក៏បានគូសបញ្ជាក់ និង ជំរុញដល់ប្រជាពលរដ្ឋ ត្រូវប្រឆាំងដាច់ខាត ចំពោះ ព័ត៌មាន ក្លែងក្លាយ ពិសេសព័ត៌មានណា ដែលមានលក្ខណៈ ញុះញង់ បំបែកបំបាក់ សាមគ្គីជាតិ ប្រជាជន ពីសំណាក់ ក្រុមប្រឆាំង រាជរដ្ឋាភិបាល ជាដើម ។
