(ខេត្តបាត់ដំបង)៖ នៅព្រឹកថ្ងៃអាទិត្យ ទី៣១ ខែសីហា ឆ្នាំ២០២៥ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋាន ភស្តុភារនិងហិរញ្ញវត្ថុ និងជាប្រធាន ក្រុមការងាររាជ រដ្ឋាភិបាលចុះមូលដ្ឋាន ស្រុកឯកភ្នំ បានអញ្ជើញជាអធិបតី ដ៏ខ្ពង់ខ្ពស់ក្នុងពិធី សំណេះសំណាល សួរសុខទុក្ខជាមួយប្រ ជាពលរដ្ឋ និងពលករ សរុបចំនួន ៣០៨ គ្រួសារ ដែលវិលត្រឡប់ ពីប្រទេសថៃ ចូលមករស់នៅ ក្នុងស្រុកឯកភ្នំ ខេត្តបាត់ដំបងវិញ។
នាឱកាសនោះដែរ ឯកឧត្តម នាយឧត្តមសេនីយ៍ អគ្គនាយក បានពាំនាំនូវមតិផ្តាំផ្ញើ និងសួរសុខទុក្ខ ព្រមទាំងនាំយកនូវ អំណោយជា ថវិកាដ៏ថ្លៃថ្លារបស់ សម្តេចក្រឡាហោម ស ខេង ឧត្តមប្រឹក្សាផ្ទាល់ ព្រះមហាក្សត្រ និងជាអ្នកតំណាង រាស្ត្រមណ្ឌលបាត់ដំបង និងលោកជំទាវ ញ៉ែម សាខន ស ខេង សម្រាប់ផ្តល់ជូន ក្នុងមួយគ្រួសារចំនួន ១០០,០០០ (ដប់ម៉ឺន) រៀលផងដែរ។
ពិធីនេះធ្វើឡើងនៅ បរិវេណវិទ្យាល័យ ស ខេង ព្រែកនរិន្ទ ស្ថិតនៅភូមិព្រែកនរិន្ទ ឃុំព្រែកនរិន្ទ ស្រុកឯកភ្នំ ខេត្តបាត់ដំបង ៕
