(ខេត្តេព្រះវិហារ)៖ នៅថ្ងៃទី៣០ ខែសីហា ឆ្នាំ២០២៥ ឯកឧត្តម ម៉ែន ង៉ុយ ប្រធានក្រុម ប្រឹក្សាខេត្តមណ្ឌលគិរី និង ឯកឧត្តម ថង សាវុន អភិបាល នៃគណៈអភិបាល ខេត្តមណ្ឌលគិរី បានអញ្ជើញចុះ សួរសុខទុក្ខវីរកងទ័ពចំនួន ៣២នាក់ រួមទាំងអ្នកជំងឺ ដទៃទៀត ដែលកំពុងសម្រាក និងព្យាបាលជំងឺនៅ មន្ទីរពេទ្យបង្អែក ខេត្តព្រះវិហារ ដោយមានការ អញ្ជើញចូលរួមពី លោកឧត្តមសេនីយ៍ទោ ឡោ សុខា ស្នងការនគរបាល ខេត្តមណ្ឌលគិរី លោកអភិបាលរងខេត្ត លោក មេបញ្ជាការកង រាជអាវុធហត្ថខេត្ត លោកមេបញ្ជាការ តំបន់ប្រតិបត្តិការ សឹករងខេត្តមណ្ឌលគិរី លោកប្រធាន ពន្ធនាគារខេត្ត រួមទាំងថ្នាក់ដឹកនាំ និងមន្ត្រីជាច្រើនរូប ទៀតផងដែរ ។
ឯកឧត្តម ក៏បាននាំយកថវិកា និងគ្រឿងឧបភោគ បរិភោគមួយចំនួន ធំចែកជូនដល់កងកម្លាំង នៅទីបញ្ជាការស្រាល នៃយោធភូមិភាគ១ ប្រចាំខេត្តព្រះវិហារ និងបានចុះសួរសុខ ទុក្ខវីរកងទ័ពសម្រាក និងព្យាបាលជំងឺ នៅមន្ទីរពេទ្យខេត្ត សៀមរាបចំនួន ១៧នាក់ផងដែរ ក្នុងឱកាសនោះ ថ្នាក់ដឹកនាំខេត្ត និងមន្រ្តីក្រោម ឱវាទបានផ្តល់ កម្លាំងចិត្តដល់វីរកង ទ័ព ទាំងអស់ដែលបាន បំពេញកាតព្វកិច្ច ការពារបូរណ ភាពទឹកដីប្រកបដោយ ភាពអង់អាចក្លាហាន ក្នុងឱកាសនោះឯកឧត្តម បានបញ្ជាក់ថាក្នុងនាម ថ្នាក់ដឹកនាំក៏ដូចជា ប្រជាពលរដ្ឋនៅ សមរភូមិក្រោយនឹង បន្តយកចិត្តទុកដាក់និង គាំទ្រយ៉ាងជិតស្និត ដល់វីរកងទ័ពនិង គ្រួសារកងទ័ពផងដែរ ។
