(ភ្នំពេញ)៖ ឯកឧត្តម សូ មុនីរក្សា នាយកសាលាជាតិ រដ្ឋបាលមូលដ្ឋាន ក្រសួងមហាផ្ទៃ បានអញ្ជើញជា អធិបតីក្នុងពិធី បិទកម្មវិធីបណ្ដុះបណ្ដាល វិក្រឹតការមូលដ្ឋាន ជំនាន់ទី៩ វគ្គ១ និងវគ្គ២ ដោយមានការ អញ្ជើញចូលរួមពី សំណាក់ឯកឧត្តម លោក លោកស្រី ជានាយករង ប្រធាន អនុប្រធាននាយកដ្ឋាន មន្រ្តីពាក់ព័ន្ធចំណុះ សាលាជាតិរដ្ឋបាលមូលដ្ឋាន ព្រមទាំងសិក្ខាកាមជាច្រើនរូប នៅទីស្តីការក្រសួង មហាផ្ទៃ នារសៀលថ្ងៃសុក្រ ទី២៩ ខែសីហា ឆ្នាំ២០២៥។
នាឱកាសនោះដែរ ឯកឧត្តម នាយកសាលា បានថ្លែងកោតសរសើរ ដល់សិក្ខាកាមទាំងអស់ ដែលបានចូលរួមកម្មវិធី បណ្តុះបណ្តាលយ៉ាងសកម្ម និងយកចិត្តទុកដាក់ខ្ពស់ រហូតបញ្ចប់ដោយជោគជ័យ ព្រមទាំងបានផ្តាំផ្ញើឱ្យបន្តការសិក្សា ដកស្រង់បទពិសោធន៍ ពង្រឹង និងពង្រីកចំណេះដឹង ឱ្យកាន់តែទូលំទូលាយ បន្ថែមទៀត និងយកចំណេះដឹង និងជំនាញដែលទទួលបានពី កម្មវិធីបណ្ដុះបណ្ដាលទៅ អនុវត្តក្នុងការបំពេញកិច្ច ការងារប្រចាំថ្ងៃឱ្យ កាន់តែមានប្រសិទ្ធភាព និងប្រសិទ្ធផល ប្រកបដោយចក្ខុវិស័យខ្ពស់។ ជាមួយគ្នាផងដែរ ឯកឧត្តមនាយក ក៏បានផ្ដល់ កិត្តិយសប្រគល់វិញ្ញា បនបត្រដល់សិក្ខាកាម ដែលបានបញ្ចប់កម្មវិធី បណ្តុះបណ្តាលនេះផងដែរ។
សូមជម្រាបថា កម្មវិធីបណ្តុះបណ្តាល នេះរៀបចំឡើងតាម រយៈប្រព័ន្ធអនឡាញហ្ស៊ូម (Zoom) និងដោយផ្ទាល់នៅទី ស្តីការក្រសួងមហាផ្ទៃ សម្រាប់សិក្ខាកាម ក្រុមគោលដៅដែល មានមុខតំណែងជា អនុប្រធានការិយាល័យនៅ ទីស្ដីការក្រសួងមហាផ្ទៃ និងប្រធានការិយាល័យ នៅរដ្ឋបាលក្រុង ស្រុក ខណ្ឌ សរុបចំនួន ៨០រូប (ស្រី ១៩រូប)៕
