(ភ្នំពេញ)៖ តាមលោក សោម ឆៃយ៉ា អ្នកជំនាញវិភាគ ព្រឹត្តិការណ៍ថៃប្រាប់ netra post ថា យ៉ាងយូរសប្តាហ៍ក្រោយ ឬ២សប្តាហ៍ទៀត សភាថៃនឹងបោះឆ្នោត រើសនាយករដ្ឋមន្រ្តីថៃថ្មី ជំនួសកូនស្រីលោក ថាក់ស៊ីន។លោកថា តែបើរើសចេញពី បក្សថាក់ស៊ីននេះដដែល ការដោះស្រាយព្រំដែនកម្ពុជាថៃ នៅតែដើរផ្លូវរលាក់ ឬលំបាក។
ទោះជាយ៉ាងណា ក៏ដោយលោក កែវ មាលា គ្រូបង្រៀនវិទ្យាសាស្រ្ត នយោបាយប្រាប់អង្គភាព យើងថា ថៃពូកែយុទ្ធសាស្រ្ត ឬសំបូរល្បិចកល ចង់បានដីកម្ពុជា និងក្បែរខាងខ្លួន។ នរណាឡើងមកមិន សំខាន់ទេសំខាន់ គេរៀបព្រឹត្តិការណ៍ថ្មីៗ ឱ្យតែចំនេញទឹកដី ទៅកាន់ជាតិរបស់គេ មានន័យថា គេធ្វើជាឈ្លោះគ្នាមែន តែគេមិនដែលទៅ ដណ្តើមឆ្នាំងបាយគ្នាគេទេ គឺគេដណ្តើមឆ្នាំងបាយកម្ពុជា ឬប្រទេសក្បែរខាងរបស់គេ។ លោកបញ្ជាក់ យើងត្រូវចងចាំចំណុចនេះ កុំបែកបាក់សាមគ្គីជាតិខ្មែរឱ្យសោះ ពង្រឹងគោលជំហរជាខ្មែរ ឈប់ពឹងលើគេទៀត និងត្រូវតែបន្តរើស យកជំរើសការទូត ដើម្បីមកតទល់ជាមួយថៃ និងការពារទឹកដី៕
