(ភ្នំពេញ)៖ នៅព្រឹកថ្ងៃសុក្រ ទី២៩ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋាន អត្តសញ្ញាណកម្ម បានអញ្ជើញជាអធិបតី ដឹកនាំកិច្ចប្រជុំស្តីពី ការជំរុញផ្តល់ឯកសារ បញ្ជាក់អត្តសញ្ញាណ ជូនប្រជាពលរដ្ឋខ្មែរ ដែលទើបវិលត្រលប់ ពីប្រទេសថៃ និងប្រជាពលរដ្ឋខ្មែរ ដែលពុំទាន់មាន ឯកសារគ្រប់គ្រាន់ ដោយមានការអញ្ជើញ ចូលរួមពី ឯកឧត្តម លោកជំទាវ អគ្គនាយករង ប្រធាន អនុប្រធាននាយកដ្ឋាន អភិបាលរង ក្រុង ស្រុក ខណ្ឌ ទទួលបន្ទុកការងារ អត្តសញ្ញាណកម្ម ប្រធានសាខាទីស្នាក់ការ ប្រធានការិយាល័យ ស្ថិតិអត្រានុកូលដ្ឋាន ស្នងការរងនគរ បាលរាជធានី ខេត្ត ទទួលផែនអត្តសញ្ញាណកម្ម រដ្ឋបាលក្រុង-ស្រុក-ខណ្ឌ-ឃុំ-សង្កាត់ តាមរយៈប្រព័ន្ធវីឌីអូ Zoom និង លោក លោកស្រី មន្ត្រីជំនាញ ដែលពាក់ព័ន្ធចំណុះ អគ្គនាយកដ្ឋានអត្តសញ្ញាណ កម្មជាច្រើនរូបទៀតផងដែរ។
ឯកឧត្តម ឧត្តមសេនីយ៍ឯក បណ្ឌិត តុប នេត បានមានប្រសាសន៍ថា ដោយសង្កេតឃើញថា មានប្រជាពលរដ្ឋខ្មែរជា ច្រើនដែលទើបត្រលប់ មកពីប្រទេសថៃ និងប្រជាពលរដ្ឋខ្មែរ មួយចំនួនបានបាត់បង់ ខូចខាត ឬអស់ សុពលភាពនូវឯកសារ បញ្ជាក់អត្តសញ្ញាណរបស់ខ្លួន ឬមិនមានឯកសារគ្រប់គ្រាន់ និងមួយចំនួន ទៀតពុំទាន់មានឯកសារ បញ្ជាក់អត្តសញ្ញាណ ប្រើប្រាស់នៅឡើយ (ដូចជាសំបុត្រកំណើត សៀវភៅស្នាក់នៅ និងអត្តសញ្ញាណ បណ្ណសញ្ជាតិខ្មែរជាដើម) ដែលបញ្ហានេះបាន បង្កជាឧបសគ្គសម្រាប់ ពួកគាត់ក្នុងការ ស្វែងរកការងារធ្វើ ឬស្នើសុំសេវាផ្សេងៗ សម្រាប់តម្រូវការ ប្រើប្រាស់ក្នុងជីវភាព រស់នៅប្រចាំថ្ងៃ។
ឯកឧត្តម ឧត្តមសេនីយ៍ឯក បានបន្តថា ស្របជាមួយគ្នាបោះដែរ ដោយអនុវត្តន៍ តាមប្រសាសន៍ណែរ នាំដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អគ្គនាយកដ្ឋានអត្តសញ្ញាណកម្ម បានរៀបចំកិច្ចប្រជុំនេះ ដើម្បីផ្សព្វផ្សាយសេចក្តីណែនាំ ស្តីពីការជំរុញផ្តល់ ឯកសារបញ្ជាក់អត្តសញ្ញាណ ជូនប្រជាពលរដ្ឋខ្មែរ ដែលទើបវិលត្រលប់ ពីប្រទេសថៃ និងប្រជាពលរដ្ឋខ្មែរ ដែលពុំទាន់មាន ឯកសារគ្រប់គ្រាន់ ជូនដល់អាជ្ញាធរ ពាក់ព័ន្ធទាំងអស់រួមគ្នា ធ្វើណាជួយសម្រួល និងដោះស្រាយ បញ្ហាដែលប្រជាពលរដ្ឋខ្មែរ ដែលទើបវិលត្រលប់ ពីប្រទេសថៃ និងប្រជាពលរដ្ឋខ្មែរ ដែលពុំទាន់មាន ឯកសារគ្រប់គ្រាន់ ដើម្បីឱ្យពួកគាត់មាន ឯកសារសម្រាប់យក ទៅប្រើប្រាស់ជីវភាព ប្រចាំថ្ងៃតាមតម្រូវការ ជាក់ស្តែង។
