ស្ទឹងត្រែង ឯកឧត្តម ឈាង ឡាក់ ប្រធានក្រុមប្រឹក្សាខេត្ត និង ឯកឧត្តម សរ សុពុត្រា អភិបាលខេត្តស្ទឹងត្រែងនៅ ថ្ងៃទី ២៧ ខែ សីហា ឆ្នាំ២០២៥ បាន អញ្ចើញចុះសួរសុខទុក្ខ និងនាំយកអំណោយ ចែកជូន ប្រជាពលរដ្ឋ ជូនក្រីក្រ ជនចាស់ជរា ស្រ្តីមេម៉ាយ ជនពិការ កុមារកំព្រា និង ជនរងគ្រោះដោយ គ្រោះធម្មជាតិ ចំនួន ២៦០ គ្រួសារ មកពី ៤ ភូមិ ស្ថិតនៅ ឃុំ កោះស្នែង ស្រុក បូរីអូរស្វាយសែនជ័យ ខេត្តស្ទឹងត្រែង ។
មានប្រសាសន៍ក្នុងពិធី ឯកឧត្តម សរ សុពុត្រា បានគូសបញ្ចាក់ថា. អំណោយដែលយកផ្តល់ជូនពេលនេះ គឺជា
អំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ច័ន្ទមុន្នី ហ៊ុន ម៉ាណែត ផ្តល់ជូនតាមរយៈក្រសួងសង្គមកិច្ច អតីតយុទ្ធជន និងយុវនីតិសម្បទា បានប្រគល់ជូនប្រជាពលរដ្ឋងាយរងគ្រោះ នាពេលនេះ ។
ក្នុងនោះឪកាសនោះដែរ ឯកឧត្តមអភិបាលខេត្ត ក៏បានពាំនាំការសួរសុខទុក្ខ ពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំង សម្តេចបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវ ផងដែរ ។
ឯកឧត្តម សរ សុពត្រា បានបន្តថា. ក្រសួងសង្គមកិច្ចអតីតយុទ្ធជន និងយុវនីសម្បទា ដែលមានមន្ទីរសង្គមកិច្ចខេត្តស្ទឹងត្រែង ជាសេនាធិការឱ្យក្រសួង
បាននាំយកអំណាយរបស់រាជរដ្ឋាភិបាល មកចែកជូនប្រជាពលរដ្ឋនៅពេលនេះដើម្បីចូលរួមចំណែកដោះស្រាយបញ្ហាដែលជួបប្រទះ ខ្វះខាត និងដោះស្រាយជីវភាពរបស់បងប្អូនបានមួយកំរិត សំដៅការអភិវឌ្ឍន៍ រួមចំណែកលើកកម្ពស់ជីវភាពរបស់បងប្អូនឱ្យកាន់តែល្អថែមទៀត ។
ឯកឧត្តម អភិបាលខេត្ត ថ្លែងបញ្ជាក់បន្ថែមថា. ក្រោមការដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជណាចក្រកម្ពុជា អាណត្តិទី៧នេះ និងបន្តធ្វើឱ្យប្រទេសមានសុខសន្តិភាព និងបានកសាងអភិវឌ្ឍន៍ហេដ្ឋរចនាសម្ព័នលើគ្រប់វិស័យ ព្រមទាំងបានយកចិត្តទុកដាក់គិតគូសុខទុក្ខរបស់ប្រជាពលរដ្ឋទូទាំងប្រទេស គឺមិនឱ្យប្រជាពលរដ្ឋ ខ្វះខាតលំបាកនោះទេ។
លោក ស៊ុត វណ្ណា ប្រធានមន្ទីរសង្គមកិច្ច អតីតយុទ្ធជន និងយុវនិតីសម្បទាខេត្ត បានគូសបញ្ជាក់ថា៖ អំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ច័ន្ទមុន្នី ហ៊ុន ម៉ាណែត ផ្តល់ជូនតាមរយៈក្រសួងសង្គមកិច្ច អតីតយុទ្ធជន និងយុវនីតិសម្បទា នាពេលនេះ ក្នុងមួយគ្រួសារៗទទួលបាន រួមមាន . .អង្ករ ២៥គីឡូ .មីជាតិ ១កេះ .ទឹកត្រី ១យួរ .ទឹកស៊ីអុីវ ១យួរ .ត្រីខកំប៉ុង ១យួរ។Samneang
