(ខេត្តត្បូងឃ្មុំ)៖ នៅមណ្ឌលប្រឡងទាំង១០ នៅទូទាំងខេត្តត្បូងឃ្មុំ ត្រូវបានបើកកាត់ ស្រោមវិញ្ញាសាប្រឡង សញ្ញាបត្រមធ្យម សិក្សាទុតិភូមិ (បាក់ឌុប) ក្នុងនោះ ឯកឧត្តម ប៉ែន កុសល្យ អភិបាលនៃគណៈ អភិបាលខេត្តត្បូងឃ្មុំ និងឯកឧត្តម ឡុង ធាម ប្រធានក្រុមប្រឹក្សាខេត្ត អញ្ជើញជាអធិបតី បើកវិញ្ញាសានៃការប្រឡង សញ្ញាបត្រមធ្យមសិក្សា ទុតិយភូមិ នៅមណ្ឌលប្រឡង វិទ្យាល័យសម្តេចតេជោ ហ៊ុន សែន សួង ស្ថិតនៅភូមិតូង សង្កាត់សួង ក្រុងសួង ខេត្តត្បូងឃ្មុំ។ ចំពោះមណ្ឌល ប្រឡងចំនួន៩ ទៀតត្រូវបានបើក កាត់ស្រោមវិញ្ញាសារ ប្រឡងក្រោមអធិបតីភាព ឯកឧត្តម-លោកជំទាវ អភិបាលរង ខេត្តផងដែរ។
មានប្រសាសន៍ នាព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ក្នុងឱកាសអញ្ជើញ បើកកាត់ស្រោម វិញ្ញាសារប្រឡង សញ្ញាបត្រមធ្យម សិក្សាទុតិយភូមិ ឆ្នាំ២០២៥នេះ ឯកឧត្តម ប៉ែន កុសល្យ អភិបាលនៃគណៈ អភិបាលខេត្តត្បូងឃ្មុំ បានធ្វើការលើក ទឹកចិត្តដល់បេក្ខជន ប្រឡងទាំងអស់ សូមមានស្មារតីរឹងមាំ ឡើង ក្នុងការប្រឡងនេះ កុំភ័យ ពិនិត្យវិញ្ញាសា ឱ្យបានច្បាស់លាស់ រួចសរសេរតែម្តង ហើយក្នុងនោះដែរ បេក្ខជនទាំងអស់ ត្រូវគោរពបទប្បញ្ញត្តិ នៃការប្រឡងឱ្យ បានល្អប្រសើរ ជាពិសេសមិនត្រូវ លាក់ទុកជាប់នឹង ខ្លួននូវឧបករណ៍ អេឡិចត្រូនិកគ្រប់ប្រភេទ ចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ ក្នុងករណីរកឃើញថា បានប្រព្រឹត្តផ្ទុយ នឹងបទប្បញ្ញត្តិ និងកម្រិតវិន័យ បេក្ខជននឹង ត្រូវបានកំណត់ឱ្យ ធ្លាក់ដោយស្វ័យប្រវត្តិ។ មួយវិញទៀត ត្រូវហូបចុកប្រយ័ត្នប្រយ៉ែង សម្រាកឱ្យបានគ្រប់គ្រាន់ ដើម្បីឱ្យសុខភាព យើងល្អ និងប្រឡង ទទួលបានជោគជ័យ។
គួរបញ្ជាក់ដែរថា៖ មណ្ឌលប្រឡងក្នុង ខេត្តត្បូងឃ្មុំ នាឆ្នាំនេះគឺមាន ចំនួន១០មណ្ឌល ខណៈឆ្នាំ២០២៤ មានត្រឹមតែ ៩មណ្ឌលប៉ុណ្ណោះ ក្នុងនោះមណ្ឌល ប្រឡងចំនួន៩ទៀត ត្រូវបានបើកកាត់ ស្រោមវិញ្ញាសាប្រឡង សញ្ញាបត្រមធ្យមសិក្សា ទុតិយភូមិក្រោម អធិបតីភាពឯកឧត្តម-លោក ជំទាវអភិបាលរង ខេត្តត្បូងឃ្មុំ ដែលអញ្ជើញ ជាតំណាង ឯកឧត្តមអភិបាលខេត្ត រួមមាន៖
ឯកឧត្តម ម៉ៅ ឌុង អភិបាលរងខេត្ត អញ្ជើញជាអធិបតីបើក កាត់ស្រោមវិញ្ញាសា នៅមណ្ឌលប្រឡង អនុវិទ្យាល័យ រស្មីកុមារ ដែលមានបេក្ខជន ប្រឡងសរុប៦០០ នាក់ ស្រី ៣៩១ នាក់។
ឯកឧត្តម ហុក ពេជ្រហោះ អភិបាលរងខេត្ត អញ្ជើញជាអធិបតីបើក កាត់ស្រោមវិញ្ញាសា នៅមណ្ឌលប្រឡង សាលាបឋមសិក្សា ប្រជាកុមារសួង មានបេក្ខជនសរុប ៥០០ នាក់ ស្រី ៣១៥ នាក់។
ឯកឧត្តម កេង ប៊ុនណា អភិបាលរងខេត្ត អញ្ជើញជាអធិបតី បើកកាត់ស្រោមវិញ្ញាសា នៅមណ្ឌលប្រឡង វិទ្យាល័យសម្តេចម៉ែ ដែលមានបេក្ខជន ប្រឡងសរុប៧៥០នាក់ ស្រី៤៤៧នាក់។
ឯកឧត្តម ចេង ប៊ុណ្ណារ៉ា អភិបាលរងខេត្ត អញ្ជើញជាអធិបតីបើក កាត់ស្រោមវិញ្ញាសា នៅមណ្ឌលប្រឡង សាលាបឋមសិក្សា៧មករា ដែលមានបេក្ខជន ប្រឡងសរុបបេក្ខជន ៥០០នាក់ស្រី២៩៥នាក់។
ឯកឧត្តម គន់ រ័ត្នមុនី អភិបាលរងខេត្ត អញ្ជើញជាអធិបតី បើកកាត់ស្រោមវិញ្ញាសា នៅមណ្ឌលប្រឡង វិទ្យាល័យហ៊ុនសែនខ្នារ ដែលមានបេក្ខជន ប្រឡងសរុបបេក្ខជន ៧៥០នាក់ ស្រី៤៥៦នាក់។
ឯកឧត្តម ណុប ឡងឌី អភិបាលរងខេត្ត អញ្ជើញជាអធិបតី បើកកាត់ស្រោមវិញ្ញាសា នៅមណ្ឌលប្រឡង សាលាបឋមសិក្សាសខេងខ្នារ ដែលមានបេក្ខជន ប្រឡងសរុប ៥០០នាក់ស្រី២៦៩នាក់។
ឯកឧត្តម ម៉ាត់ ហ្គោហ្វូត អភិបាលរងខេត្ត អញ្ជើញជាអធិបតីបើក កាត់ស្រោមវិញ្ញាសានៅ មណ្ឌលប្រឡង វិទ្យាល័យតេជោសែនត្បូងឃ្មុំ ដែលមានបេក្ខជន ប្រឡងសរុប ៦៨៨នាក់ ស្រី៣៣៥នាក់។
ឯកឧត្តម ប៉េង សម្បត្តិ អភិបាលរងខេត្ត អញ្ជើញជាអធិបតី បើកកាត់ស្រោមវិញ្ញាសា នៅមណ្ឌលប្រឡង សាកលវិទ្យាល័យ ហេងសំរិនត្បូងឃ្មុំ ដែលមានបេក្ខជន ប្រឡងសរុប ៥០០នាក់ស្រី២៧៩នាក់។
លោកជំទាវ នី ចាន់ធីតា អភិបាលរងខេត្ត អញ្ជើញជាអធិបតី បើកកាត់ស្រោមវិញ្ញាសា នៅមណ្ឌលប្រឡង វិទ្យាល័យហ៊ុនសែនចារថ្មី ដែលមានបេក្ខជន ប្រឡងសរុប ៥០០នាក់ស្រី២៩០នាក់ផងដែរ។
តាមរបាយការណ៍របស់ លោក ផាត សុខសាន្ត ប្រធានមន្ទីរអប់រំយុវជន និងកីឡាខេត្តបានឱ្យ ដឹងថាការប្រឡង សញ្ញាបត្រមធ្យម សិក្សាទុតិយភូមិ ទូទាំងខេត្តត្បូងឃ្មុំឆ្នាំនេះ មានមណ្ឌលប្រឡង សរុបចំនួន ១០ ដែលក្នុងនោះ ថ្នាក់វិទ្យាសាស្ត្រ មានចំនួន ៣ មណ្ឌល ស្មើនឹង ៧២ បន្ទប់ ថ្នាក់សង្គម មានចំនួន ៧ មណ្ឌលស្មើនឹង១៦៨បន្ទប់ សរុបមណ្ឌលទាំង១០ក្នុងខេត្តត្បូងឃ្មុំ មាន ២៤៣ បន្ទប់ និងមានបេក្ខជនចុះឈ្មោះប្រឡងសរុបចំនួន ៥,៩៦៥ នាក់៕
