(ខេត្តបន្ទាយមានជ័យ)៖ អនុវត្តតាមការដឹកនាំ បញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការ នគរបាលជាតិ នៅថ្ងៃព្រហស្បតិ៍ ទី២៧ ខែសីហា ឆ្នាំ២០២៥នេះ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាន នគរបាលខេត្ត បន្ទាយមានជ័យ បានចាត់តាំង លោកឧត្តមសេនីយ៍ត្រី ង៉ាន់ ចិន្តា ស្នងការរង ផែនសណ្តាប់ធ្នាប់ ដឹកនាំកម្លាំង នគរបាលជាច្រើននាក់ ចុះការពារសន្តិសុខ សុវត្ថិភាព និងរៀបចំសណ្តាប់ធ្នាប់ តាមមណ្ឌលប្រឡង សញ្ញាបត្រ ទុតិយភូមិ (បាក់ឌុប) ឆ្នាំ២០២៥ នៅក្នុងភូមិសាស្ត្រ ក្រុងសិរីសោភ័ណ ខេត្តបន្ទាយមានជ័យ។
យោងរបាយការណ៍ មន្ទីរអប់រំយុវជននិង កីឡាខេត្តបន្ទាយមានជ័យ បានឱ្យដឹងថា សម្រាប់ការប្រឡង សញ្ញាបត្រមធ្យម សិក្សាទុតិយភូមិ (បាក់ឌុប) សម័យប្រឡង ថ្ងៃ២៨ខែសីហា ឆ្នាំ ២០២៥ មានបេក្ខជនចុះ ឈ្មោះក្នុងបញ្ជីប្រឡងសរុប ៖ ៦,៥៥២ នាក់ / ស្រី ៣,៧២៥នាក់ ។ ថ្នាក់វិទ្យាសាស្ត្រ មានបេក្ខជនសរុប ១,៨២៥នាក់,ស្រី ១,១០៧នាក់ ។ ថ្នាក់វិទ្យាសាស្ត្រសង្គម ចំនួន៤,៧២៧នាក់/ ស្រី២,៦១៨នាក់ និងមានចំនួន៨មណ្ឌល។
បើទោះបីមានសភាព ការណ៍តានតឹង ខ្លះនៅព្រំដែន តែមិនប៉ះពាល់ដល់ ដំណើរការប្រឡងបាក់ឌុប នៅខេត្តបន្ទាយមានជ័យ ឆ្នាំ២០២៥ ទេ ហើយក៏មិនមាន បទល្មើសអ្វីកើតឡើងដែរ៕
