(ខេត្តកំពង់ឆ្នាំង)៖ នៅថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង រួមជាមួយឯកឧត្តម អ៊ូ វិសាល ប្រធានក្រុមការងារ ដឹកនាំសង្កេតការណ៍ អ.ប.ព. ប្រចាំខេត្តកំពង់ឆ្នាំង លោក លី សុខចុង អនុប្រធាន ក្រុមការងារ បានចុះពិនិត្យស្ថានភាព ទូទៅតាមមណ្ឌលប្រឡង មណ្ឌលប្រឡង សញ្ញាបត្រមធ្យម សិក្សាទុតិយភូមិ។
តាមមណ្ឌលនីមួយៗ មានសភាពស្ងប់ស្ងាត់ល្អ បេក្ខជនខិតខំធ្វើកិច្ចការ របស់ខ្លួនដោយយក ចិត្តទុកដាក់ គណៈកម្មការនានា នៃដំណើរការ ប្រឡងបំពេញ ការងាររៀងៗខ្លួន តាមភារកិច្ចដែល បានកំណត់ជូន។
គូសបញ្ជាក់ដែរថា៖ មណ្ឌលប្រឡង សញ្ញាបត្រមធ្យម សិក្សាទុតិយភូមិឆ្នាំ២០២៥ នៅខេត្តកំពង់ឆ្នាំង មានចំនួន ៨មណ្ឌល ស្មើនឹង ១៩០បន្ទប់ បេក្ខជនសរុបចំនួន ៤,៧៣១នាក់ ស្រី ២,៧៧៧នាក់។ នៅថ្ងៃទី១នៃដំណើរការសំណេរ មានបេក្ខជនអវត្តមានចំនួន ៦៨នាក់ ស្រី ៣១នាក់៕
