(ភ្នំពេញ)៖ សម្រាប់ការប្រលង សញ្ញាបត្រមធ្យម សិក្សាទុតិយភូមិ ថ្ងៃទី២សកម្មភាពឆែក រកសំណៅឯកសារ និងឧបករណ៍អេឡិច ត្រូនិកគ្រប់ប្រភេទ ពីបេក្ខជន មុនពេលបេក្ខជន ចូលក្នុងមណ្ឌល និងបន្ទប់ប្រឡង បានប្រព្រឹត្តទៅយ៉ាងតឹងរ៉ឹង ដោយគណៈកម្មការអនុរក្ស ក្រោមការត្រួតពិនិត្យ ដោយអង្គភាពប្រឆាំង អំពើពុករលួយ នាព្រឹកថ្ងៃបញ្ចប់ នៃដំណើរការសំណេរ ប្រឡងសញ្ញាបត្រ មធ្យមសិក្សាទុតិយភូមិ សម័យប្រឡង៖ ២៨ សីហា ២០២៥។
ក្រសួងអប់រំ យុវជន និងកីឡាសូមអំពាវនាវ ដល់បេក្ខជនទាំងអស់ ត្រូវគោរពបទប្បញ្ញត្តិ នៃការប្រឡងឱ្យ បានល្អប្រសើរ ជាពិសេសមិនត្រូវ លាក់ទុកជាប់នឹងខ្លួន នូវឧបករណ៍អេឡិចត្រូនិក គ្រប់ប្រភេទចូលក្នុង មណ្ឌលប្រឡង ឬបន្ទប់ប្រឡងជាដាច់ខាត។ ក្នុងករណីរកឃើញថា បានប្រព្រឹត្តសកម្មភាពផ្ទុយ នឹងបទប្បញ្ញត្តិ និងកម្រិតវិន័យ បេក្ខជននឹងត្រូវបាន កំណត់ឱ្យធ្លាក់ជាស្វ័យប្រវត្តិ។
សូមជម្រាបថាបើតាម របាយការណ៍បឋម ដែលទទួលបានពី មណ្ឌលប្រឡង បានបង្ហាញថា នៅថ្ងៃទី១នេះ មានបេក្ខ ជនអវត្តមានចំនួន១ ៨១៣នាក់ (ស្រី៧២៦នាក់) ស្មើនឹង១,២២ភាគរយ បេក្ខជនស្វ័យរិនចំនួន ១៤៨៣នាក់ (ស្រី៥៧៥នាក់) បេក្ខជនចំណេះ ទូទៅចំនួន៣៣០នាក់ (ស្រី១៥១នាក់)។ បេក្ខជនដែលមានបញ្ហា សុខភាព៨៥នាក់ ហើយដាក់ឱ្យប្រឡង ដាច់ដោយឡែក២៦នាក់ ហើយបានបន្តការ ប្រឡងក្រោមការយក ចិត្តទុកដាក់មើល ថែពីក្រុមគ្រូពេទ្យ បន្ទាប់ពីមាន អាការៈធូរស្រាល។
បេក្ខជនដែល បោះបង់ការប្រឡង ដោយសារបញ្ហា សុខភាពមានចំនួន២នាក់។ នៅថ្ងៃនេះបេក្ខជន មានជំងឺគ្រុនឈាម មានចំនួន៩នាក់ និងគ្រោះថ្នាក់ចរាចរណ៍៤នាក់ ដោយឡែកគណៈ មេប្រយោគមាន បញ្ហាសុខភាព៣៥នាក់។
ក្រសួងអប់រំ យុវជន និងកីឡា ជំរុញលើកចិត្តឱ្យ បេក្ខជនប្រឡងទាំងអស់ ត្រូវថែរក្សាសុខភាពឱ្យ បានល្អ សម្រាក និងបរិភោគអាហារ ឱ្យបានគ្រប់គ្រាន់ ប្រកបដោយអនាម័យ ដើម្បីទទួលបាន លទ្ធផលល្អក្នុងការប្រឡង។
ដោយសារបញ្ហាព្រំដែន សម្រាប់បេក្ខជនមក ពីខេត្តឧត្ដរមានជ័យ ត្រូវបានរៀបចំការ ប្រឡងនៅស្រុកពួក ខេត្តសៀមរាប ដែលមានចំនួន៣មណ្ឌល សរុប៧២បន្ទប់ ក្នុងនោះថ្នាក់វិទ្យាសាស្ត្រ១៣បន្ទប់ វិទ្យាសាស្ត្រសង្គមចំនួន៥៩បន្ទប់។ សម្រាប់បេក្ខជន ប្រឡងមកពី ខេត្តឧត្ដរមានជ័យ និងព្រះវិហារ ចំនួន៦នាក់ដែល បានមកប្រឡង នៅរាជធានីភ្នំពេញ កំពង់ស្ពឺ ពោធិ៍សាត់ និងបាត់ដំបង មានវត្តមានក្នុងការ ប្រឡងធម្មតា ដោយទទួល បានថវិកាឧបត្ថម្ភ របស់ក្រសួងអប់រំ យុវជន និងកីឡា។
ការប្រឡងសញ្ញា បត្រមធ្យមសិក្សា ទុតិយភូមិ សម័យប្រឡង៖ ២៨ សីហា ២០២៥ មានបេក្ខជនចុះឈ្មោះ ប្រឡងសរុបចំនួន ១៤៦ ៧២០ នាក់ (ស្រី ៨១ ៤៤២ នាក់) ក្នុងនោះ បេក្ខជនថ្នាក់វិទ្យាសាស្ត្រ មានចំនួន ៤០ ៦៧៨ នាក់ (ស្រី ២៤ ៥១៩ នាក់) បេក្ខជនថ្នាក់វិទ្យា សាស្ត្រសង្គមមានចំនួន ១០៦ ០៤២ នាក់ (ស្រី ៥៦ ៩២៣ នាក់)។ បេក្ខជនត្រូវបានរៀបចំ ចំនួន២៥នាក់ ក្នុងមួយបន្ទប់ ទៅតាមមណ្ឌល សំណេរនីមួយៗ តាមរាជធានី ខេត្ត លើកលែងតែ បន្ទប់ចុងក្រោយ និងបន្ទប់ដែលមាន បេក្ខជនមកពីវិទ្យាល័យ អប់រំពិសេស។ មណ្ឌលសំណេរ មានចំនួនសរុប ២៤១ មណ្ឌល ត្រូវជា ៥ ៩២៤ បន្ទប់ ក្នុងនោះថ្នាក់វិទ្យា សាស្ត្រមានចំនួន ៧២ មណ្ឌល ត្រូវជា ១ ៦៥៥ បន្ទប់ និងថ្នាក់វិទ្យា សាស្ត្រសង្គម មានចំនួន ១៦៩ មណ្ឌល ត្រូវជា ៤ ២៦៩ បន្ទប់៕
