(ភ្នំពេញ)៖ នៅថ្ងៃពុធ ៤កើត ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៧ ខែសីហា គ.ស.២០២៥, និយ័តករមូលបត្រកម្ពុជា (ន.ម.ក.) សហការជាមួយក្រុមហ៊ុន មូលបត្រ រ៉ូយ៉ាល់គ្រុប ម.ក និងគាំទ្រដោយ ផ្សារមូលបត្រកម្ពុជា (ផមក) រៀបចំវេទិកា វិនិយោគិនលើកទី២ សម្រាប់មន្រ្តីរាជការ នៃក្រសួង-ស្ថាប័ន សាធារណៈស្តីពី “ការសន្សំមូលបត្រ” ក្រោមអធិបតីភាព ដ៏ខ្ពង់ខ្ពស់របស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាល ទទួលបន្ទុកជា អគ្គនាយកនៃ ន.ម.ក. អមដោយ ឯកឧត្តម សៀង ធីរិទ្ធ អគ្គនាយករងនៃ ន.ម.ក., និងលោក ទៀង ស៊ីវណ្ណសក្តិ នាយកប្រតិបត្តិការ នៃក្រុមហ៊ុនមូលបត្រ រ៉ូយ៉ាល់គ្រុប ម.ក។
វេទិកាវិនិយោគិននេះ ត្រូវបានរៀបចំឡើង ដើម្បីផ្តល់ជាមូលដ្ឋានគ្រឹះ និងកាលានុវត្តភាពនៃ ការវិនិយោគ ព្រមទាំងការអនុវត្ត ជាក់ស្តែងដោយផ្ទាល់ លើការជួញដូរភាគ ហ៊ុនតាមរយៈកម្មវិធី CSX Trade។
វេទិកានេះ រៀបចំឡើងនៅអគារ អាជ្ញាធរសេវាហិរញ្ញវត្ថុ មិនមែនធនាគារដែល មានការចូលរួមផ្ទាល់ពី ថ្នាក់ដឹកនាំ និងមន្រ្តីរាជការនៃក្រសួង និងស្ថាប័នសាធារណៈ ប្រមាណ ១០០ នាក់ និងមានវាគ្មិនមកពី ន.ម.ក., ផមក និងក្រុមហ៊ុនមូលបត្រ រ៉ូយ៉ាល់គ្រុប ម.ក ។
