(ភ្នំពេញ)៖ នាថ្ងៃព្រហស្បតិ៍ ៥ កើត ខែភទ្របទ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី២៨ ខែសីហា គ.ស.២០២៥ ដោយទទួលបានការ អនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្ដី រដ្ឋមន្ដ្រីក្រសួង សេដ្ឋកិច្ចនិងហិរញ្ញវត្ថុ និងជាប្រធានក្រុម ប្រឹក្សានៃអាជ្ញាធរសេវា ហិរញ្ញវត្ថុមិនមែនធនាគារ និយ័តករមូលបត្រកម្ពុជា (ន.ម.ក.) រួមជាមួយក្រសួងយុត្តិធម៌ និងអគ្គស្នង ការដ្ឋាននគរបាលជាតិ នៃក្រសួងមហាផ្ទៃ បានសហការជាមួយ រដ្ឋបាលខេត្តស្វាយរៀង រៀបចំសិក្ខាសាលា ផ្សព្វផ្សាយស្តីពី “ការគាំពារវិនិយោគិន និងការពង្រឹងការអនុវត្ត ច្បាប់ក្នុងវិស័យមូលបត្រ” នៅសាលាខេត្តស្វាយរៀង ក្រោមអធិបតីភាព របស់ឯកឧត្តម ស៊ូ សុជាតិ ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃនិយ័តករ មូលបត្រកម្ពុជា ឯកឧត្តម ប៊ុន សាវ៉ាន់ សមាជិកក្រុមប្រឹក្សាខេត្ត តំណាងដ៏ខ្ពង់ខ្ពស់របស់ឯកឧត្តម ម៉ែន វិបុល ប្រធានក្រុមប្រឹក្សា ខេត្តស្វាយរៀង និងលោកស្រី យក់ ស៊ីណាត អភិបាលរង នៃគណៈអភិបាល ខេត្តស្វាយរៀង តំណាងដ៏ខ្ពង់ខ្ពស់ របស់ឯកឧត្តម ប៉េង ពោធិ៍សា អភិបាលនៃគណៈ អភិបាលខេត្តស្វាយរៀង ព្រមទាំងមាន ការចូលរួមពីថ្នាក់ ដឹកនាំខេត្ត តំណាងសាលាដំបូងខេត្ត លោក/លោកស្រី អភិបាល អភិបាលរងក្រុង/ស្រុក/ខណ្ឌ មេឃុំ ចៅសង្កាត់ កងកម្លាំងប្រដាប់ អាវុធគ្រប់លំដាប់ថ្នាក់ មន្ទីរជំនាញ និងមន្ត្រីរាជការ អាជ្ញាធរមូលដ្ឋាន ទូទាំងខេត្តស្វាយរៀង។
សិក្ខាសាលានេះផ្តល់ជូន សិក្ខាកាមនូវចំណេះដឹង និងបទពិសោធន៍ស៊ី ជម្រៅពាក់ព័ន្ធនឹងការ ប្រមូលមូលនិធិក្រោម រូបភាពវិនិយោគ ពិតប្រាកដក្នុងវិស័យ មូលបត្រដោយស្របច្បាប់ រូបភាពវិនិយោគក្នុង វិស័យមូលបត្រដោយ គ្មានអាជ្ញាបណ្ណស្របច្បាប់ និងការឆបោកក្រោម រូបភាពនៃការវិនិយោគ បទល្មើសតាមបច្ចេកវិទ្យា និងបច្ចេកទេសស៊ើប អង្កេតហិរញ្ញវត្ថុ ដើម្បីបន្តផ្សព្វផ្សាយឱ្យ បានទូលំទូលាយដល់បងប្អូន ប្រជាពលរដ្ឋឱ្យ មានការប្រុងប្រយ័ត្ន ខ្ពស់ចំពោះសកម្មភាព ខុសច្បាប់ ហើយរួមគ្នាចាត់វិធាន ការផ្លូវច្បាប់ឱ្យទាន់ពេលវេលា ក្នុងគោលដៅទប់ស្កាត់ ការកៀរគរថវិកា និងការប្រមូលមូលនិធិ ពីប្រជាពលរដ្ឋក្រោមរូបភាព វិនិយោគផ្សេងៗ ដោយសន្យាផ្តល់ ប្រាក់ចំណេញ ឬការប្រាក់ខ្ពស់ ដែលសកម្មភាព ខុសច្បាប់នាំឱ្យប៉ះពាល់ ដល់ទ្រព្យ សម្បត្តិប្រជាពលរដ្ឋ និងសេដ្ឋកិច្ចជាតិផងដែរ ៕
