(ភ្នំពេញ)៖ នៅព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ឯកឧត្តម នាយឧត្តមសេនីយ៍ ប៉ោ ភក្តិ រដ្ឋលេខាធិការ ក្រសួងមហាផ្ទៃ បានអញ្ជើញជាអធិបតី ដឹកនាំកិច្ចប្រជុំ របស់ក្រុមការងារ SOMTC-កម្ពុជា ស្តីពី ការប្រមូលធាតុ ចូលលើសេចក្តីព្រាង ផែនការសកម្មភាពនៃ វេទិកាតំបន់អាស៊ាន ឆ្នាំ២០២៦-២០៣៦ និងសេចក្តីព្រាងផែន ការសកម្មភាព ដើម្បីអនុវត្តភាពជាដៃគូ យុទ្ធសាស្ត្រគ្រប់ជ្រុងជ្រោយ អាស៊ាន-នូវែលសេឡង់ សម្រាប់ឆ្នាំ២០២៦-២០៣០ ។
កិច្ចប្រជុំនេះ រួមមានការអញ្ជើញចូលរួមពី អគ្គនាយករង អគ្គលេខាធិការរង អនុប្រធានសេនាធិការ អគ្គលេខាធិការរង គ.ជ.ប.ជ តំណាងផែនការងារ ប្រឆាំងការរត់ពន្ធមនុស្ស តំណាងផែនការងារ ប្រឆាំងអំពើភេរវកម្ម តំណាងផែនការងារ បទល្មើសបច្ចេកវិទ្យា តំណាងផែនការងារ ប្រឆាំងការសម្អាតប្រាក់ តំណាងផែនការងារ ប្រឆាំងការជួញ ដូរគ្រឿងញៀន តំណាងផែនការងារ ប្រឆាំងអំពើប្លន់លើផ្ទៃសមុទ្រ តំណាងផែនការងារ ប្រឆាំងការរត់ពន្ធ អាវុធនិងលោក លោកស្រី ដែលជាសមាជិក មន្ត្រីជំនាញពាក់ព័ន្ធ ជាច្រើនរូបទៀតផងដែរ ។
