(ខេត្តស្ទឹងត្រែង)៖ នៅព្រឹកថ្ងៃទី២៨ ខែសីហា ឆ្នាំ២០២៥ ឯកឧត្តម សរ សុពុត្រា អភិបាល នៃគណៈ អភិបាលខេត្តស្ទឹងត្រែង បានអញ្ជើញកាត់ ស្រោមវិញ្ញាសាប្រឡង សញ្ញាបត្រមធ្យមសិក្សា ទុតិយភូមិ ឆ្នាំ២០២៥ នៅចំពោះ មុខគណៈកម្មការ និងបេក្ខជនប្រឡង។ បេក្ខជន១១០៨នាក់ ដែលមានឈ្មោះ ក្នុងបញ្ជីឈ្មោះ សម្រាប់ខេត្តស្ទឹងត្រែង បានចូលក្នុងបន្ទប់ ប្រឡងយ៉ាងស្ងៀមស្ងាត់ និងទទួលវិញ្ញាសា ។
ចំពោះសម័យប្រឡង២៨ សីហា ២០២៥ មាន៣មណ្ឌលប្រឡង គឺថ្នាក់វិទ្យាសាស្រ្តមាន១ មណ្ឌល គឺមណ្ឌលបឋម សិក្សាស្ទឹងត្រែងក្រុង មានបេក្ខជនចំនួន១៤១នាក់ ។ដោយឡែកថ្នាក់វិទ្យា សាស្រ្តសង្គម មានចំនួន២មណ្ឌល គឺមណ្ឌលវិទ្យាល័យ ព្រះរាជបូជនីយកិច្ច បេក្ខជនសរុប ៥០០នាក់ និងមណ្ឌលមជ្ឈមណ្ឌល គរុកោសល្យភូមិភាគឦសាន ខេត្តស្ទឹងត្រែង បេក្ខជនសរុប ៤៦៧នាក់។
គួររំលឹកថា៖ នៅឆ្នាំ២០២៤ មានបេក្ខជនចំនួន ១០៥៤នាក់ មានមណ្ឌលប្រឡងចំនួន២ គឺមណ្ឌលប្រឡង មជ្ឈមណ្ឌលគរុកោសល្យ ភូមិភាគឦសានខេត្ត ថ្នាក់វិទ្យាសាស្រ្តសង្គម មាន៣៧បន្ទប់ ដោយឡែក ថ្នាក់វិទ្យាសាស្រ្ត នៅមណ្ឌលប្រឡង វិទ្យាល័យព្រះរាជ បូជនីយកិច្ច មាន៦បន្ទប់ ។ ហើយនៅឆ្នាំ២០២៤ បេក្ខជន ៨៨៣នាក់ ជាប់សញ្ញាបត្រ ទុតិយភូមិ ស្មើនិង៨៥,៧ភាគរយ ក្នុងនោះ ខេត្តស្ទឹងត្រែងបានទទួល និន្ទេសA ចំនួន៥នាក់។
ដំណើរការប្រឡង សញ្ញាបត្រមធ្យម សិក្សាទុតិយភូមិ សម័យប្រឡង៖ ២៨ សីហា ២០២៥ បានប្រព្រឹត្តទៅ ដោយឈរលើគោល ការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ពោលគឺ «អ្នកចេះ គឺជាប់»។ បេក្ខជនទាំងអស់ ត្រូវគោរពបទប្បញ្ញត្តិ នៃការប្រឡងឱ្យ បានល្អប្រសើរ ជាពិសេសមិនត្រូវ លាក់ទុកជាប់នឹងខ្លួន នូវឧបករណ៍អេឡិច ត្រូនិកគ្រប់ប្រភេទ ឬសំណៅឯកសារ ផ្សេងៗ ចូលក្នុងមណ្ឌលប្រឡង ឬបន្ទប់ប្រឡងជាដាច់ខាត។ បេក្ខជននឹងត្រូវបាន កំណត់ឱ្យធ្លាក់ ជាស្វ័យប្រវត្តិ ក្នុងករណី រកឃើញថាបាន ប្រព្រឹត្តសកម្មភាពផ្ទុយ នឹងបទប្បញ្ញត្តិ និងកម្រិតវិន័យ។
តាមសេចក្តីជូនដំណឹង របស់រដ្ឋបាល ខេត្តស្ទឹងត្រែង ចាប់ពីថ្ងៃទី២៧ ខែសីហា រហូតដល់ថ្ងៃទី២៩ ខេសីហា ឆ្នាំ២០២៥ នៅជុំវិញទីតាំង មណ្ឌលប្រឡង បានហាមឃាត់ការ ធ្វើអាជីវកម្មម៉ាស៊ីនថតចម្លង បិតដំណើរការចរាចរ ផ្លូវជុំវិញមណ្ឌលប្រឡង និងហាមឃាត់អាជីវកម្ម ឧបករណ៍បំពងសំឡេង រឺឧបករណ៍រំខានដល់បេក្ខជនប្រឡង ក្នុងនោះរដ្ឋបាលខេត្ត និងបើកអាជីវកម្ម រឺចរាចរឡើងវិញនៅថ្ងៃទី៣០ ខែសីហា ឆ្នាំ២០២៥៕
