(ភ្នំពេញ)៖ នាព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ លោកជំទាវ អុង សុភាវី រដ្ឋលេខាធិការ ក្រសួងមហាផ្ទៃ និងជាប្រធានគណៈ កម្មាធិការប្រយុទ្ធនឹងជំងឺអេដស៍ កាមរោគ ក្រសួងមហាផ្ទៃ បានអញ្ជើញអធិបតី បើកកម្មវិធី ផ្សព្វផ្សាយការយល់ដឹង អំពីការរីករាលដាលជំងឺអេដស៍ ស្តីពី មូលដ្ឋានគ្រឹះនៃជំងឺអេដស៍ និងវិធីសាស្ត្របង្ការ ទប់ស្កាត់ការឆ្លងជំងឺអេដស៍ ។
ដែលមានការ អញ្ជើញចូលរួមពី ឯកឧត្ដម លោកជំទាវ អគ្គលេខាធិការ អាជ្ញាធរជាតិប្រយុទ្ធនឹង ជំងឺអេដស៍ អនុប្រធានមជ្ឈមណ្ឌល ជាតិប្រយុទ្ធនឹងជំងឺអេដស៍ សើរស្បែក និងកាមរោគ។
នាយករងសាលាជាតិ រដ្ឋបាលមូលដ្ឋាន អគ្គលេខាធិការរង នៃអគ្គលេខាធិការដ្ឋានក្រុម ប្រឹក្សាកីឡា អគ្គលេខាធិការរង នៃអគ្គលេខាធិការដ្ឋាន ប្រយុទ្ធប្រឆាំង គ្រឿងញៀន នាយកប្រតិបត្តអង្គការខាណា និងតំណាងអង្គការ PSI ព្រមទាំងសមាជិក សមាជិកា តំណាងអគ្គនាយកដ្ឋាន ចំណុះក្រសួងមហាផ្ទៃ ជាច្រើនផងដែរ ។
ជាកិច្ចចាប់ផ្តើមនៃពិធីនេះ លោកជំទាវ រដ្ឋលេខាធិការ បានសម្ដែងនូវ ក្តីសោមនស្សរីករាយ យ៉ាងក្រៃលែង ដោយបានចូលរួម ជាអធិបតី បើក កម្មវិធីផ្សព្វផ្សាយការ យល់ដឹងអំពីការរីករាល ដាលនៃជំងឺអេដស៍ ស្តីពី «មូលដ្ឋាន គ្រឹះនៃជំងឺអេដស៍ និងវិធីសាស្ត្របង្ការ ទប់ស្កាត់ការឆ្លងជំងឺអេដស៍» ជូនដល់ថ្នាក់ដឹកនាំ និងមន្ត្រីជំនាញ នៃអង្គភាពចំណុះក្រសួង និងកីឡាករ កីឡាការនី។ ជាពិសេសក្នុងនាម ជាប្រធានគណៈកម្មាធិ ការប្រយុទ្ធនឹងជំងឺអេដស៍ ក្រសួងមហាផ្ទៃ ។
លោកជំទាវ រដ្ឋលេខាធិការ បានឱ្យដឹងថា កម្មវិធីផ្សព្វផ្សាយ នេះមានគោលបំណង ដើម្បីបង្កើននូវការយល់ដឹង ក្នុងការបង្ការ និងទប់ស្កាត់ ក្នុងការរីករាលដាលនៃ មេរោគអេដស៍ និងជំងឺអេដស៍ ពិសេសគឺបង្កើននូវការ រួមចំណែកក្នុងការបង្ការ ការទប់ស្កាត់ ការរីករាលដាល និងការឆ្លងជំងឺអេដស៍ /កាមរោម ស្របទៅតាម គោលនយោបាយ ជាតិបញ្ចប់អេដស៍ និងចីរភាព នៃកម្មវិធីអេដស៍ សម្រាប់ ឆ្នាំ២០២៣-២០២៨។
លោកជំទាវ រដ្ឋលេខាធិការ បានលើកឡើងថា គណៈកម្មាធិការប្រយុទ្ធ នឹងជំងឺអេដស៍/កាមរោគ ក្រសួងមហាផ្ទៃ ដែលមានតួនាទី ជាសេនាធិការជូន ក្រសួងមហាផ្ទៃ ក្នុងកិច្ចសហការជាមួយអាជ្ញា ធរជាតិប្រយុទ្ធ នឹងជំងឺអេដស៍ នៃមជ្ឈមណ្ឌលជាតិ ប្រយុទ្ធនឹងជំងឺអេដស៍ សើស្បែក និងកាមរោគ នៃក្រសួងសុខាភិបាល អង្គការមិនមែនរដ្ឋាភិបាលជាតិ និង អន្តរជាតិ ដើម្បីបន្តចាត់ វិធានការក្នុងការបង្ការ និងទប់ស្កាត់ការរីករាល ជំងឺអេដស៍/កាមរោគ នៅកម្ពុជា ព្រមទាំងសំដៅ ចូលរួមក្នុងការគាំទ្រ និងជំរុញដល់ ការអនុវត្តគោល នយោបាយជាតិបញ្ចប់អេដស៍ និងចីរភាពកម្មវិធីអេដស៍ ឆ្នាំ២០២៣-២០២៨ ដែលត្រូវបានកិច្ច ប្រជុំពេញអង្គគណៈរដ្ឋមន្ត្រី ក្រោមអធិបតី ភាពដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះ រាជាណាចក្រកម្ពុជា អនុម័តកាលពីថ្ងៃទី១៥ ខែមីនា ឆ្នាំ២០២៤។
នៅក្នុងផែនការយុទ្ធ សាស្ត្រថវិកា ឆ្នាំ២០២៦-២០២៨ របស់គណៈ កម្មាធិការប្រយុទ្ធ នឹងជំងឺអេដស៍/កាមរោគ ក្រសួងមហាផ្ទៃ ក្នុងការគាំទ្រដល់ការ អនុវត្តសកម្មភាព របស់គណៈកម្មាធិការ ប្រយុទ្ធនឹងជំងឺអេដស៍/ កាមរោគ ក្រសួងមហាផ្ទៃ លើការងាររៀបចំគោល នយោបាយយុទ្ធសាស្ត្រ និងផែនការសកម្មភាព ក្នុងការទប់ ស្កាត់ការរីករាលដាល ជំងឺអេដស៍/កាមរោគ ទាំងនៅថ្នាក់ជាតិ និងនៅថ្នាក់ក្រោមជាតិ ដោយធានាបាន នូវការអនុវត្ត និងការដាក់បញ្ចូលបញ្ហាអេដស៍ ក្នុងគោលនយោបាយ ភូមិ ឃុំ សង្កាត់ មានសុវត្ថិភាព ប្រកបដោយប្រសិទ្ធភាព ។
លោកជំទាវ រដ្ឋលេខាធិការ មានប្រសាសន៍បន្តថា ដើម្បីធានាបានសង្គតិភាព នៃការឆ្លើយតបមេរោគអេដស៍ និងការបង្ការ ទប់ស្កាត់ពីជំងឺអេដស៍/កាមរោគ ស្របតាមគោលនយោបាយជាតិ យើងទាំងអស់គ្នា ត្រូវចូលរួមយ៉ាងសកម្មក្នុង ការឆ្លើយតបប្រកប ដោយថាមវន្ត ដើម្បីធានាឱ្យបាននូវ ភាពជាម្ចាស់ការលើយន្ត ការឆ្លើយតបនឹង មេរោគអេដស៍ និងជំងឺអេដស៍ ដោយរួម គ្នាបន្តប្តេជ្ញាចិត្ត ចូលរួមសហការគ្នា ក្នុងការប្រយុទ្ធ ប្រឆាំងនឹងជំងឺអេដស៍ ក្នុងដំណើរឆ្ពោះទៅ សម្រេចបាននូវទិសដៅ លុបបំបាត់ការឆ្លងនៃ មេរោគអេដស៍ នាឆ្នាំ២០៣០ ។
