(ខេត្តតាកែវ)៖ នាព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ លោកឧត្តមសេនីយ៍ត្រី សៅ សារុន ស្នងការរង ផែនការងារសេនា ធិការតំណាងដ៏ខ្ពង់ខ្ពស់ លោកឧត្តមសេនីយ៍ទោ ម៉ែន លី ស្នងការនគរបាលខេត្ត អញ្ជើញអមដំណើរឯកឧត្តម វ៉ី សំណាង អភិបាល នៃគណៈអភិបាលខេត្ត កាត់ស្រោមវិញ្ញាសា ព្រមទាំងបាន ដឹកនាំកម្លាំងនគរបាល ខេត្ត-ក្រុង សហការជាមួយ កម្លាំងពាក់ព័ន្ធ ដើម្បីការពារសន្តិសុខ សណ្តាប់ធ្នាប់ សុវត្ថិភាព របៀបរៀបរយសាធារណៈ និងជួយសម្រួលចរាចរណ៍ កុំឱ្យមានការកកស្ទះ មុនពេលសិស្សានុសិស្ស ចូលតាមមណ្ឌលប្រឡង។
នេះបើយោងតាមការ បញ្ជាក់របស់លោក ឡោ វីរិទ្ធិ ប្រធានមន្ទីរអប់រំយុវជន និងកីឡាខេត្តបានឱ្យដឹងថាៈ មណ្ឌលប្រឡងសញ្ញា បត្រមធ្យមសិក្សាទុតិយភូមិ (បាក់ឌុប) សម័យប្រឡងថ្ងៃទី ២៨ ខែសីហា ឆ្នាំ២០២៥ទូទាំងខេត្តតាកែវ មានចំនួន ១៧មណ្ឌល ស្មើនឹង ៣៩៦បន្ទប់មានបេក្ខជន បេក្ខនារី សរុបចំនួន ៩៨១៦នាក់ ស្រីចំនួន ៥២៨៧នាក់ផងដែរ៕
