(ខេត្តកំពត)៖ នៅព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ដោយមានការចង្អុល ណែនាំពីសំណាក់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមការដឹកនាំ បញ្ជារបស់លោក ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាន នគរបាលខេត្តកំពង់កំពត នៅថ្ងៃទី១ នៃការប្រឡង សញ្ញាបត្រមធ្យម សិក្សាទុតិយភូមិ យោងតាមផែនការលេខ ១៦ ផ.ក/២៤ ចុះថ្ងៃទី២៥ ខែសីហា ឆ្នាំ២០២៥ របស់ស្នងការដ្ឋាន នគរបាលខេត្តកំពត ស្តីពីផែនការការពារ សន្តិសុខសុវត្ថិភាព ក្នុងដំណើរការប្រឡង សញ្ញាបត្រមធ្យម សិក្សាទុតិយភូមិឆ្នាំ ២០២៥។
លោកឧត្តមសេនីយ៍ទោ ស្នងការនគរបាលខេត្តកំពត បានចាត់តាំងមនិង ប្រើប្រាស់កម្លាំងសរុបចំនួន ២៣៧ នាក់ ក្នុងនោះកម្លាំង នគរបាលខេត្តចំនួន ៧៤ នាក់ អធិការដ្ឋាននគរបាល ក្រុងកំពតចំនួន ៥០ នាក់ អធិការដ្ឋាន នគរបាលទឹកឈូចំនួន ៤៨នាក់ និងអធិការដ្ឋាន នគរបាលស្រុកអង្គរជ័យចំនួន ៦៥ នាក់។ ដើម្បីការពារសន្តិសុខ សុវត្ថិភាព ជុំវិញបរិវេណមណ្ឌលប្រឡង ដែលមានចំនួន៧ មណ្ឌល ស្មើនឹង ១៥៦ បន្ទប់ នៅក្រុងកំពត ស្រុកទឹកឈូ និងស្រុកអង្គរជ័យ៕
