កម្លាំងនគរបាល ខេត្តកំពង់ឆ្នាំង ចុះរៀបចំកម្លាំងការពារ រក្សាសន្តិសុខ សុវត្ថិភាព រៀបចំសណ្តាប់ធ្នាប់ ជូនដល់លោកគ្រូ អ្នកគ្រូ និងបេក្ខភាពប្រឡង សញ្ញាប័ត្រមធ្យម សិក្សាទុតិយភូមិ

(ខេត្តកំពង់ឆ្នាំង)៖ នៅព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ ដោយមានការ ចង្អុល​ណែនាំ​ពីសំណាក់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងដោយមានការ ចង្អុលដឹកនាំ​តម្រង់ ទិសដោយផ្ទាល់ របស់លោក ឧត្តមសេនីយ៍ទោ តេង ច័ន្ទណាត  ស្នងការ នៃស្នងការដ្ឋាន នគរបាលខេត្តកំពង់ឆ្នាំង កម្លាំងនគរបាល របស់ការិយាល័យជំនាញ សហការជាមួយកម្លាំង អធិការដ្ឋាននគរបាល ក្រុងកំពង់ឆ្នាំង និងអធិការដ្ឋាន នគរបាលស្រុករលាប្អៀរ និងប៉ុស្តិ៍នគរបាល រដ្ឋបាលចំណុះ បានរៀបចំកម្លាំងការពារ រក្សាសន្តិសុខ សុវត្ថិភាព រៀបចំសណ្តាប់ធ្នាប់ និងរបៀបរៀបរយល្អ ជូនដល់លោកគ្រូ អ្នកគ្រូ ពិសេសប្អូនៗ ដែលជាបេក្ខភាពប្រឡង សញ្ញាប័ត្រមធ្យមសិក្សាទុតិយភូមិ ដែលមានរយៈពេល២ថ្ងៃ (២៨-២៩ ខែសីហា ឆ្នាំ២០២៥) នៅតាមមណ្ឌលប្រឡងចំនួន ៧មណ្ឌល និងកន្លែងលោកគ្រូ អ្នកគ្រូស្នាក់នៅ ស្ថិតនៅស្រុករលាប្អៀរ និងក្រុងកំពង់ឆ្នាំងផងដែរ៕