(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាថ្ងៃទី២៨ ខែសិហា ឆ្នាំ២០២៥នេះ បានផ្ញើសារមជូនពរដល់បេក្ខជន បេក្ខនាទាំងអស់ ដែលកំពុងប្រឡង សញ្ញាបត្រមធ្យម សិក្សាទុតិយភូមិ ឆ្នាំសិក្សា ២០២៤-២០២៥នេះ ទទួលបានលទ្ធផលវិជ្ជមាន ជាមួយនឹងសមត្ថភាពពិត “អ្នកចេះគឺជាប់” និងការត្រៀមលក្ខណ: យ៉ាងសកម្មនៃការសិក្សា ពេញមួយឆ្នាំកន្លងមក បូករួមនឹងការចាប់ផ្តើម ពីកម្រិតថ្នាក់មូលដ្ឋាន រហូតដល់ថ្នាក់ទី១២ ដែលនឹងត្រូវ ប្រឡងនាពេលនេះ។
សម្តេចបវរធិបតី នាយករដ្ឋមន្ត្រី ក៏បានជូនពរដល់ ថ្នាក់ដឹកនាំក្រសួងអប់រំ យុវជន និងកីឡា, ក្រុមការងារនៃ គណ:កម្មាធិការ រៀបចំការប្រឡង, អាជ្ញាធររាជធានី-ខេត្ត និងគ្រប់លំដាប់ថ្នាក់, អ្នកសង្កេតការណ៍ ប្រឡង និងអ្នកស្ម័គ្រ ចិត្តទាំងអស់ សូមប្រកបដោយ ភាពជោគជ័យ និងសម្រេចភារកិច្ច ជូនជាតិរបស់យើង ក្នុងការរៀបចំការប្រឡងនេះ ដើម្បីទទួលបានធនធាន បន្តវេនយ៉ាងមុតស្រួចសម្រាប់ ចូលរួមចំណែកក្នុងការ អភិវឌ្ឍប្រទេសជាតិ និងកសាងផល ប្រយោជន៍ថ្មីៗបន្ថែមទៀត។
