(តាកែវ)៖ អភិបាលខេត្តតាកែវ ឯកឧត្តម វ៉ី សំណាង បានធ្វើការណែនាំដល់ គណមេប្រយោគ និង ប្រធាន អនុប្រធាន មណ្ឌលប្រឡង និងអាជ្ញាធរពាក់ព័ន្ធ ត្រូវធ្វើយ៉ាងណាចូល រួមរៀបចំឲ្យដំណើរ ការប្រឡងទុតិយភូមិ នៅថ្ងៃខាងមុខ ឱ្យទទួលបានជោគជ័យ និងមិនមានបញ្ហាអ្វីកើតឡើង។
ថ្លែងនៅក្នុងឱកាសអញ្ជើញ ចូលរួមកិច្ចប្រជុំ ណែនាំនីតិវិធីដល់ ប្រធានមណ្ឌល ប្រធានអប្បមាទ និងអនុរក្ស ទូទាំង ខេត្តតាកែវ នៅព្រឹកថ្ងៃអង្ការ៍ ទី២៦ ខែសីហា ឆ្នាំ២០២៥ ឯកឧត្តម វ៉ី សំណាង អភិបាលខេត្ត បានថ្លែងថា ការប្រឡងទុតិយភូមិ កន្លងមកក៏ដូចជានៅឆ្នាំនេះ គឺជាកំណែទម្រង់ស៊ី ជំម្រៅរបស់វិស័យអប់រំ ស្របតាមគោល នយោបាយរបស់ រាជរដ្ឋាភិបាល ដែលចង់កែប្រែឥរិយាបទ ឱ្យសិស្សានុសិស្ស ងាកមកទទួល ខុសត្រូវប្រឹងប្រែង សិក្សា ឡើងវិញ តាមរយៈសុភាសិត «អ្នកចេះគឺជាប់»។ ម្យ៉ាងទៀតក៏ដើម្បី ពង្រឹងវិស័យអប់រំ នៅកម្ពុជា ឱ្យកាន់តែមាន គុណភាព និងដើម្បីប្រកួត ប្រជែងទីផ្សារការងារ នៅក្នុងតំបន់ ក៏ដូចជានៅ លើឆាកអន្តរជាតិផងដែរ។
ឯកឧត្តមអភិបាល ខេត្តបានថ្លែងបន្តថា មន្ត្រីពាក់ព័ន្ធទាំង អស់ត្រូវធ្វើយ៉ាងណា ទប់ស្កាត់ចំពោះជនណា ដែលបង្កបញ្ហា ដល់ដំណើរការ ប្រឡងតាមរយៈការ បង្ហោះព័ត៌មាន ចំលើយវិញ្ញាសារប្រឡង នៅតាមបណ្ដាញ សង្គមហ្វេសប៊ុក ឬតាមបណ្ដាញ ផ្សព្វផ្សាយនានា យើងត្រូវចាត់វិធាន ការណ៏ទប់ស្កាត់ឱ្យ បានទាន់ពេលវេលា។
នៅក្នុងឱកាសនោះ ឯកឧត្តម វ៉ី សំណាង ក៏បានធ្វើការណែនាំ ដល់លោកគ្រូអ្នកគ្រូ ដែលជាប្រធាន មណ្ឌល មន្រ្តីអនុរក្ស និងមន្រ្តីអប្បមាត្រទាំងអស់ ត្រូវគោរពវិន័យ ដោយជៀសវាងបង្ក កំហុសដោយចេតនា ដែលនាំអោយមាន បញ្ហាដល់ខ្លួន ជាពិសេសត្រូវធ្វើយ៉ាងណា ចូលរួមរៀបចំដំណើរ ការប្រឡងសញ្ញាប័ត្រ ទុតិយភូមិនេះ អោយទទួលបានជោគជ័យ និងមានការទទួល ស្គាល់បេក្ខជនប្រឡង និងបងប្អូនប្រជាពលរដ្ឋផងដែរ ៕
