(ភ្នំបេញ)៖ នៅរសៀលថ្ងៃទី២៥ ខែសីហា ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតី ពិធីប្រគល់-ទទួល រថយន្តដល់អង្គភាព មួយចំនួនចំណុះ ក្រសួងមហាផ្ទៃ នៅបរិវេណមុខ ទីស្តីការក្រសួងមហាផ្ទៃ។
ការប្រគល់រថយន្តដល់ បណ្តាអង្គភាពចំណុះ ក្រសួងមហាផ្ទៃ គឺដើម្បី ចូលរួមចំណែកសម្រួល និងលើកកម្ពស់ប្រសិទ្ធភាព ការងារប្រចាំថ្ងៃបន្ថែមទៀត របស់អង្គភាពពាក់ព័ន្ធទាំងអស់ សំដៅឆ្លើយតបបានទៅ តាមតម្រូវការជាក់ស្តែង ទាំងក្នុងក្របខ័ណ្ឌ អង្គភាពផ្ទាល់ខ្លួន ក្របខ័ណ្ឌរបស់ក្រសួង ពិសេសការផ្តល់សេវាសាធារណៈ ផ្សេងៗជូនដល់ប្រជាពលរដ្ឋ៕
