(ខេត្តសៀមរាប)៖ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួង រៀបចំដែនដី នគរូបនីយកម្ម និងសំណង់ បានដឹកនាំកិច្ចប្រជុំ ពិគ្រោះយោបល់មួយ ដើម្បីបង្កើតផែនទី ឯកភាពសម្រាប់រៀប ចំប្លង់គោល និងផែនការ ប្រើប្រាស់ដីធ្លីនៅក្នុង តំបន់រមណីយដ្ឋានអង្គរ និងតំបន់ជុំវិញ បឹងទន្លេសាប។ កិច្ចប្រជុំនេះបាន ធ្វើឡើងនៅខេត្តសៀមរាប កាលពីថ្ងៃទី២៥ ខែសីហា ឆ្នាំ២០២៥ ដោយមានការចូលរួម ពីក្រសួងពាក់ព័ន្ធ រដ្ឋបាលខេត្ត និងអាជ្ញាធរជាច្រើនទៀត។
ឯកឧត្តម ឧបនាយករដ្ឋមន្ត្រី សាយ សំអាល់ មានប្រសាសន៍ថា នេះជាជំហានដ៏ សំខាន់មួយទៀតរបស់ ក្រសួងរៀបចំដែនដី នគរូបនីយកម្ម និងសំណង់ ក្រសួងវប្បធម៌ និងវិចិត្រសិល្បៈ ក្រុមការងាររាជរដ្ឋាភិបាល ចុះមូលដ្ឋាន ខេត្តសៀមរាប អាជ្ញាធរជាតិអប្សរា អាជ្ញាធរជាតិបឹងទន្លេសាប រដ្ឋបាលខេត្តសៀមរាប និងរដ្ឋបាលខេត្តទាំង៦ នៅជុំវិញតំបន់ បឹងទន្លេសាប ក្នុងការរៀបចំកិច្ច ពិគ្រោះយោបល់ ស្វែងរកផែនទីឯកភាព ការងារ លើការរៀបចំប្លង់គោល ផែនការនៃការប្រើប្រាស់ដី តាមរយៈការកំណត់ លក្ខខណ្ឌនៃការប្រើប្រាស់ដី និងការគ្រប់គ្រង នគរូបនីយកម្ម និងសំណង់ ក្នុងតំបន់រមណីយដ្ឋាន បេតិកភណ្ឌពិភពលោកអង្គរ និងតំបន់បឹងទន្លេសាប មុននឹងឈានទៅ រៀបចំប្លង់គោលនៃការ ប្រើប្រាស់ដីទាំង ១៦៥២ឃុំ នៅទូទាំងប្រទេស ។
ផែនទីឯកភាពការងារនេះ ជាឧបករណ៍តម្រង់ ទិសដើម្បីឈានទៅ ដាក់ចេញនូវផែនការ ប្រើប្រាស់ដី ដែលមានការឯកភាព គ្នារវាងប្រជាពលរដ្ឋ និងអាជ្ញាធរពាក់ព័ន្ធ លើកស្ទួយជីវភាព អ្នកស្រុកអង្គរ និងអ្នកស្រុកនៅ តំបន់ជុំវិញបឹងទន្លេសាប និងពង្រឹងខឿន សេដ្ឋកិច្ចជាតិ ផ្អែកលើកា រប្រើប្រាស់ធនធានដី ដើម្បិកម្ពុជារស់ បានដោយខ្លួនឯង និងឯករាជ្យម្ចាស់ការ ។
