(ភ្នំពេញ)៖ កាលពីព្រឹកថ្ងៃទី២១ ខែសីហា ឆ្នាំ២០២៥ លោកជំទាវ អ៊ាត សោភា រដ្ឋលេខាធិការប្រ ចាំការនៃក្រសួង ការបរទេស និងសហប្រតិបត្តិការ អន្តរជាតិ បានទទួលជួបសម្តែង ការគួរសមជាមួយ ឯកឧត្តម Paolo Dionisi ឯកអគ្គរដ្ឋទូតអ៊ីតាលី និងឯកឧត្តម Peter B. Wells ឯកអគ្គរដ្ឋទូតបុរីវ៉ាទីកង់ ប្រចាំកម្ពុជា ដែលមាននិវេសនដ្ឋាន នៅទីក្រុងបាងកក។ ជំនួបនេះបានធ្វើឡើង នៅទីស្តីការក្រសួង។
ក្នុងជំនួបនោះ លោកជំទាវរដ្ឋលេខា ធិការប្រចាំការ បានថ្លែងអំណរគុណ និងកោតសរសើរ ចំពោះកិច្ចខិតខំ ប្រឹងប្រែងរបស់ ឯកអគ្គរដ្ឋទូតទាំងពីរ ដែលបានរួមចំណែក យ៉ាងសកម្មក្នុងការលើកកម្ពស់ និងពង្រឹងទំនាក់ទំនងមិត្តភាព ក៏ដូចជាកិច្ចសហប្រតិបត្តិការ រវាងកម្ពុជា-អ៊ីតាលី និងកម្ពុជា-វ៉ាទីកង់។
លោកជំទាវ អ៊ាត សោភា ក៏បានថ្លែងអំណរគុណ យ៉ាងជ្រាលជ្រៅចំពោះ ប្រទេសអ៊ីតាលី និងបុរីវ៉ាទីកង់ ដែលបានលើក ទឹកចិត្តឱ្យមានកិច្ចខិតខំ ប្រឹងប្រែងដើម្បីរក្សាបទ ឈប់បាញ់រវាងកម្ពុជា និងថៃ។ ការលើកទឹកចិត្តនេះ គឺសំដៅឈានទៅ ដល់ការបញ្ឈប់ជម្លោះ ប្រដាប់អាវុធ និងស្វែងរកដំណោះ ស្រាយដោយសន្តិវិធី ចំពោះបញ្ហាព្រំដែន ដោយអនុលោម តាមច្បាប់អន្តរជាតិ។
