(ភ្នំពេញ)៖ រាជរដ្ឋាភិបាលនី តិកាលទី៧នៃរដ្ឋសភា ដឹកនាំដោយសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី គឺជាអ្នកឈរការពារសន្តិភាព និង សមិទ្ធផលទាំងឡាយ ដែលជាស្នាដៃរបស់ សម្តេចតេជោ ហើយបន្តការអភិវឌ្ឍន៍ ប្រទេសនៅលើ មូលដ្ឋានគ្រឹះដ៏រឹងមាំនេះ។ ហេតុនេះហើយរាជ រដ្ឋាភិបាលកម្ពុជា ទើបបានគាំទ្រពេញ ទំហឹងគំនិតផ្តួចផ្តើម របស់ឯកឧត្តម ប្រធានាធិបតី ដូណាល់ ត្រាំ ស្តីពីបទឈប់បាញ់ និងបង្ហាញឆន្ទៈ យ៉ាងម៉ឺងម៉ាត់ក្នុងការ គោរពបទឈប់បាញ់ ដែលកំពុងតែអនុវត្តពេល នេះតាមរយៈការ អត់ធ្មត់ខ្ពស់បំផុត។
នេះគឺជាការថ្លែង បញ្ជាក់របស់ឯកឧត្តម ប៉ែន បូណា រដ្ឋមន្រ្តីប្រតិភូអម នាយករដ្ឋមន្រ្តី និងជាប្រធានអង្គភាព អ្នកនាំពាក្យរាជរដ្ឋាភិបាល ក្នុងសេចក្តីសង្ខេ បព័ត៌មានប្រចាំថ្ងៃ ស្តីពី «លទ្ធផលនៃការអនុវត្ត បទឈប់បាញ់ រវាងកម្ពុជា-ថៃ» នៅល្ងាចថ្ងៃអាទិត្យ ទី២៤ ខែសីហា ឆ្នាំ២០២៥ នាទីស្តីការគណៈរដ្ឋមន្ត្រី ។
ឯកឧត្តម ប៉ែន បូណា បានថ្លែងបញ្ជាក់ថា គោលជំហរសន្តិភាព របស់រាជរដ្ឋាភិបាល កម្ពុជាគឺជាជំហរ ច្បាស់លាស់ ដាច់ខាត និងឥតប្រែប្រួល។
ឯកឧត្តមបានលើកឡើងថា៖ «ដូចខ្ញុំធ្លាប់បានបញ្ជាក់ ជូនរួចហើយថា សន្តិភាពបានក្លាយ ជាអត្តសញ្ញាណ របស់កម្ពុជាទៅហើយ។ ហេតុអ្វី? ពីព្រោះសម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជា ប្រធានព្រឹទ្ធសភា គឺជាបិតាស្ថាបនិក និងប្រតិបត្តិករ សន្តិភាពតាមរយៈ ការដាក់ចេញនយោបាយ ឈ្នះឈ្នះដោយបាន បញ្ចប់ទាំងស្រុងនូវសង្គ្រាម ស៊ីវិលដែលបានអូសបន្លាយ ជិត៣ទសវត្សរ៍ ហើយនាំមកនូវ សន្តិភាពពេញលេញ ព្រមទាំងនាំមកនូវ ការផ្សះផ្សារបង្រួបបង្រួម ជាតិដែលមិនធ្លាប់មានពីមុន។ »
ឯកឧត្តមអ្នកនាំ ពាក្យរាជរដ្ឋាភិបាល បានបន្តថា កម្ពុជាក៏គាំទ្រពេញទំហឹង និងជំរុញយ៉ាងខ្លាំង ឱ្យមានការចូលរួមយ៉ាង ទូលំទូយាយពីអ្នកសង្កេត ការណ៍អន្តរជាតិពិសេស អ្នកសង្កេតការណ៍អាស៊ាន ( Asean Observers Team) ដូចដែលបានព្រមព្រៀង គ្នានៅក្នុងកិច្ចប្រជុំ វិសាមញ្ញនៃគណៈកម្មា ធិការព្រំដែនទូទៅកម្ពុជា ថៃកាលពីថ្ងៃទី០៧ ខែសីហា ឆ្នាំ២០២៥។
ឯកឧត្តមបានថ្លែងបន្ថែមថា ក្នុងន័យនេះ សន្តិភាពនៅតែជា អត្តសញ្ញាណរបស់កម្ពុជា ជារៀងដរាបទៅមុខ ទៀតដោយឥតប្រែប្រួល។ ទោះបីជាមជ្ឈដ្ឋាន ខ្លះបានចោទសំណួរ និងលើកហេតុផល បំភ្លៃមួយចំនួនក្នុង ចេតនាមិនល្អធ្វើឱ្យ ស្រអាប់ដល់ជំហរសន្តិភាព របស់កម្ពុជាក៏ដោយ ក៏ជំហរសន្តិភាពនេះ នៅតែភ្លឺចិញ្ចាចចញ្ចែង ក្នុងបេះដូងរបស់ថ្នាក់ ដឹកនាំនិងប្រជាពលរដ្ឋ ខ្មែរជារៀងដរាប៕
