(ខេត្តស្វាយរៀង)៖ នៅព្រឹកថ្ងៃអាទិត្យ ទី២៤ ខែសីហា ឆ្នាំ២០២៥ (ត្រូវនឹងថ្ងៃ១កើត ខែភទ្របទ ឆ្នាំម្សាញ់) ពិធីសំខាន់ៗចំនួន៣ បានប្រព្រឹត្តទៅ ក្រោមអធិបតីភាព ដ៏ខ្ពង់ខ្ពស់របស់ លោកជំទាវ ហ៊ុន ម៉ាណា អគ្គនាយិកា ទូរទស្សន៍បាយ័ន និងឯកឧត្តម ឌី វិជ្ជា ដែលជាតំណាង ដ៏ខ្ពង់ខ្ពស់ របស់សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចកិត្តិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា។ ពិធីនេះត្រូវបានរៀបចំឡើង នៅវត្តព្រះអង្គថ្នា ស្ថិតក្នុងភូមិគោកតែក ឃុំចន្រ្ទា ស្រុកចន្រ្ទា ខេត្តស្វាយរៀង។
លោក ចាន់ ម៉ន ប្រធានស.ស.យ.ក. ស្រុកចន្រ្ទា បានដឹកនាំក្រុមយុវជនស.ស.យ.ក. ដើម្បីចូលរួមសម្របសម្រួលកម្មវិធីទាំងនេះ ដែលរួមមាន៖
ពិធីប្រគេនទេយ្យទាន និងទៀនព្រះវស្សា៖ ប្រគេនសម្ភារ និងថវិកាដល់វត្តចំនួន ៥ ដែលជាវត្តមានជីវភាពខ្វះខាតបំផុតក្នុងស្រុកចន្រ្ទា រួមមាន៖ វត្តកោះដូនសយ, វត្តអង្គរំដេញ, វត្តទីប៉ារាម, វត្តជ័យឧត្តម, និងវត្តព្រះអង្គថ្នា។
ពិធីចែកអំណោយ ដល់ប្រជាពលរដ្ឋ៖ ចែកអំណោយរបស់ សម្ដេចទាំងពីរ ជូនដល់គ្រួសារមានជីវភាព លំបាកចំនួន ៥០០គ្រួសារ មកពី៣ឃុំ រួមមាន ឃុំច្រេស, ឃុំចន្រ្ទា, និងឃុំទួលស្តី។ ក្នុងឱកាសនោះ ក៏មានការទទួលទានអាហារ សាមគ្គីជាមួយគ្នាផងដែរ។
ពិធីសំណេះសំណាល និងចែកសម្ភារសិក្សា៖ ចែកសម្ភារសិក្សា ដល់សិស្សានុសិស្ស សាលាបឋមសិក្សា ចន្រ្ទា ចំនួន ៥១០នាក់ និងលោកគ្រូអ្នកគ្រូ ១៧នាក់។
