(ខេត្តប៉ៃលិន)៖ នៅព្រឹកថ្ងៃអាទិត្យទី២៤ ខែសីហា ឆ្នាំ២០២៥ នេះ ដោយអនុវត្តតាម បទបញ្ជាដ៏ខ្ពង់ខ្ពស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាន នគរបាលខេត្តប៉ៃលិន បានអញ្ជើញចូលរួម ក្នុងកិច្ចប្រជុំលេខា ធិការដ្ឋាននៃគណៈ កម្មាធិការព្រំដែនថ្នាក់ យោធភូមិភាគ កម្ពុជា-ថៃ (RBC) រវាងយោធភូមិភាគទី៥ របស់កម្ពុជា និងបញ្ជាការដ្ឋានការពារ ព្រំដែនខេត្តចន្ទបុរី-ត្រាត របស់ប្រទេសថៃ ដែលដឹកនាំដោយ ឧត្តមសេនីយ៍ទោ សរ គឹមប៉ាក់ ប្រធានក្រុម លេខាភាគីកម្ពុជា និងវរនាវីឯក គិទិផុន គុណសិរិប៉នញ៉ូ ប្រធានក្រុមលេខាភាគីថៃ ដែលកម្ពុជាធ្វើជាម្ចាស់ផ្ទះនៃ កិច្ចប្រជុំនេះបាននឹង ប្រព្រឹត្តទៅនៅខេត្តប៉ៃលិន ។
