(ខេត្តបាត់ដំបង)៖ នៅព្រឹកថ្ងៃទី២០ ខែសីហា ឆ្នាំ២០២៥ នេះ ឯកឧត្តម សុខ លូ អភិបាល នៃគណៈអភិបាលខេត្ត និងជាប្រធានគណៈ កម្មាធិការសាខាកាកបាទ ក្រហមកម្ពុជាខេត្តបាត់ដំបង បានដឹកនាំកិច្ច ប្រជុំពិភាក្សាការងារ ស្តីពីការកៀរគររកមូលនិធិ ដើម្បីអបអរសាទរខួបលើកទី ១៦២ ទិវាពិភពលោក កាក បាទក្រហម និងអឌ្ឍចន្ទក្រហម ៨ ឧសភា ២០២៥ ក្រោមប្រធានបទ «រួមគ្នាស្ម័គ្រចិត្ត ដើម្បីសហគមន៍ មានសុខភាពល្អ និងមានភាពធន់ អាកាសធាតុ» ដើម្បីសមាគមជាតិ មានធនធានបន្ត ផ្តល់សេវាកម្មមនុស្សធម៌ ដោះស្រាយបញ្ហា ប្រឈមនានា បន្តពង្រឹងភាពធន់ សហគមន៍ និងជួយសម្រាលទុក្ខ លំបាកប្រជា ពលរដ្ឋរងគ្រោះ និងងាយរងគ្រោះបំផុត តាមគោលការណ៍ គ្រឹះរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម ។
ក្នុងកិច្ចពិភាក្សានេះដែរ ឯកឧត្តម សុខ លូ ប្រធានគណៈ កម្មាធិការសាខាខេត្ត បានមានប្រសាសន៍ថា ៖ សម្រាប់ឆ្នាំនេះ ក្នុងកិច្ចប្រជុំគណៈ កម្មការសាខាកាកបាទ ក្រហមកម្ពុជាខេត្តបាត់ដំបង កន្លងមក បានសម្រេចថាយើង មិនរៀបចំពិធី ធ្វើទិវានោះទេ ដូចនេះសាខាកាក បាទក្រហមខេត្តសម្រេច ធ្វើជាលិខិតអំពាវនាវ ចែកជូនដល់សប្បុរសជន ដើម្បីជួយទ្រទ្រង់និង ជួយគាំទ្រដល់សកម្មភាព មនុស្សធម៌របស់សាខា កាកបាទក្រហម ខេត្តបាត់ដំបង តាមរយៈនៃការបរិច្ចាក ថវិកាពីសប្បុរសជន គ្រប់ទិសទី និងពីគ្រប់មជ្ឈដ្ឋាន តាមមូលដ្ឋានបណ្តា ក្រុង ស្រុក ដែលចំណុះឲ្យ រដ្ឋបាលខេត្ត នៅតាមស្ថាប័ន មន្ទីរ អង្គភាព នានាជុំវិញខេត្ត និងពីគ្រប់អាជីវករ សិប្បករ នៅតាមបណ្តា រោងចក្រសហគ្រាស ផលិតកម្មនានា នៅតាមបណ្តា ក្រុង-ស្រុក ក្នុងខេត្ត ដើម្បីចលនាបំផុស ឲ្យគេបានចូលរួមជា មួយនិងសកម្មភាព មនុស្សធម៌របស់សាខា កាកបាទក្រហមខេត្ត និង តាមរយៈនៃការ កៀរគរថវិកា របស់សាខាកាក បាទក្រហមខេត្តបាត់ដំបង ដែលតែងតែ ប្រារព្ធធ្វើជារៀង រាល់ឆ្នាំកន្លងមក ជាពិសេសក្នុងការ ប្រារព្ធអបអរសាទរខួបទី ១៦២ នៃទិវាពិភពលោក កាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០២៥ នេះក្រោមប្រធានបទ “ រួមគ្នាស្ម័គ្រចិត្តដើម្បី សហគមន៍មាន សុខភាពល្អនិងមានភាព ធន់អាកាសធាតុ “ ។
ក្នុងនោះដែរ ឯកឧត្តម ក៏បានលើកទឹក ចិត្តដល់បណ្តា មន្ទីរ អង្គភាព វិស័យជំនាញនានា ឲ្យចូលរួមជួយ បំផុសការអំពាវនាវ បន្ថែមទៀត ដល់ស្រទាប់មហាជន និងបងប្អូនសប្បុរសជន ស្ថិតក្រោមឱវាទឲ្យ ចូលរួមជាសប្បុរសធម៌ ក្នុងការបរិច្ចាគ នូវធនធានផ្ទាល់ខ្លួន ទោះតិចឬច្រើនក្តី ដើម្បីជួយទ្រទ្រង់ នូវសកម្មភាពមនុស្សធម៌ របស់សាខាកាកបាទ ក្រហមកម្ពុជា ខេត្ត បាត់ដំបងឲ្យទទួល បានជោគជ័យនៅក្នុង បេសកកម្ម មនុស្សធម៌ក្នុង ខេត្តបាត់ដំបងយើង៕
