(ភ្នំពេញ)៖ ក្រោមការចង្អុលបង្ហាញពី គណៈកម្មការចំពោះ កិច្ចប្រយុទ្ធប្រឆាំងកា រឆបោកតាមប្រព័ន្ធ បច្ចេកវិទ្យា ហៅកាត់ថា គ.ប. ឆ.ប. (ONLINE SCAMS) គណៈបញ្ជាការ ឯកភាពខេត្តកំពត បានបើកប្រតិបត្តិ ការបង្ក្រាបទ្រង់ទ្រាយធំ ចំនួន២ករណីផ្សេងពីគ្នា ដោយឃុំខ្លួនជន សង្ស័យជាមេខ្លោង សរុបចំនួន១៤នាក់ ពាក់ព័ន្ធនឹងបទល្មើស ឆបោកអនឡាញ និងឃាតកម្មដោយ អំពើឃោរឃៅ។
សំណុំរឿងទី១ ពាក់ព័ន្ឋនឹង បទល្មើសឆបោកអនឡាញ បានឃាត់ខ្លួនទី១ ឈ្មោះ AYE AYE ភេទប្រុស អាយុ២១ ឆ្នាំ ជាជនជាតិ ភូមា មុខរបសន្តិសុខអនឡាញ ទី២ ឈ្មោះ WEI HUAN MO ភេទប្រុស កើតឆ្នាំ១៩៨៤ ជនជាតិចិន មានមុខរបរ មេក្រុមបុគ្គលិក អនឡាញ. ទី៣ ឈ្មោះ ZHAO YANG LONG ភេទប្រុស កើត ឆ្នាំ១៩៨៧ ជនជាតិចិន មុខរបរម្ចាស់ហាងម៉ាហ្សា ទី៤ ឈ្មោះLIU LONG FU ភេទប្រុស អាយុ២៥ឆ្នាំ ជនជាតិចិន មុខរបរបុគ្គលិក អនឡាញ និងទី៥ ឈ្មោះ MIE SAN JLANG ភេទប្រុសកើត ឆ្នាំ១៩៩២ ជនជាតិចិន។ ជនត្រូវចោទទាំង៥នាក់ ខាងលើនេះស្នា ក់នៅលើភ្នំបូកគោ ស្ថិតនៅភូមិរលួស សង្កាត់បឹងទូក ក្រុងបូកគោ ខេត្តកំពត ។
សំណុំរឿងទី២ ពាក់ព័ន្ធអំពើឃាតកម្ម ដោយអំពើឃោរឃៅ និងសង្ស័យបទល្មើស បទឆបោកអនឡាញ ដោយបានរកឃើញ ជនរងគ្រោះឈ្មោះ SONG JINXIN ភេទប្រុស កើត នៅថ្ងៃទី៧ ខែកុម្ភៈ ឆ្នាំ១៩៩២ ជនជាតិចិន ដេកស្លាប់ក្នុងរថយន្ត ដែលការចុះបង្ក្រាប នេះបានឃាត់ខ្លួនទី១- ឈ្មោះ RONG GEN YU ហៅ ឡៅជាវ ភេទប្រុស អាយុ ៤១ឆ្នាំ ជនជាតិចិន ទី២ HUANG GUANG CHENG ភេទប្រុស អាយុ២៦ឆ្នាំ ជនជាតិចិន ៣- ឈ្មោះ SHU CHAO YUE ហៅ ជីន ភេទប្រុស អាយុ៤១ឆ្នាំ ជនជាតិចិន និង ៤-ឈ្មោះ ZOU DE HUA ភេទប្រុស អាយុ៣៣ឆ្នាំ ជនជាតិចិន និង៥- ឈ្មោះ អៀង វិបុល ភេទប្រុស អាយុ៣៧ឆ្នាំ ពីបទដឹកជញ្ជូន ដោយមានគោលដៅ លក់-ជួញដូរមនុស្ស ប្រព្រឹត្តនៅចំណុច ស្ថានីយប្រេងឥន្ធនៈសូគីមិច ស្ថិត នៅភូមិកែបថ្មី សង្កាត់បឹងទូក ក្រុងបូកគោ ខេត្តកំពត កាលពីថ្ងៃទី១២ ខែសីហា ឆ្នាំ២០២៥ ។
ប្រតិបត្តិការបង្ក្រាប ទ្រង់ទ្រាយធំនេះ បានចាប់ផ្តើមពីថ្ងៃទី ០៨ សីហា ដល់ថ្ងៃទី ១២ សីហា ២០២៥ ដោយគណៈបញ្ជាការ ឯកភាពខេត្តកំពត ក្នុង បានដឹកនាំកម្លាំង ចម្រុះរបស់ស្នងការ នគរបាល បញ្ជាការដ្ឋានកងរាជអាវុធហត្ថ មន្ត្រីជំនាញ និងដោយមានការចូលរួម ពីព្រះរាជអាជ្ញាអមសាលា ដំបូងខេត្តកំពត និង អាជ្ញាធរពាក់ព័ន្ធ នៅក្នុងភូមិសាស្ត្របូរី Villa Crown (តំបន់ ៣) និងអគារ (តំបន់ ៤) ចំណុចលើភ្នំបូកគោ ស្ថិតក្នុងភូមិរលួស សង្កាត់ បឹងទូក ក្រុងបូកគោ ខេត្តកំពត ដកហូតសម្ភារៈបម្រើឱ្យការឆបោក ទូរសព្ទដៃចំនួន ៣០១គ្រឿង កុំព្យូទ័រ Desktop ចំនួន ៣៩គ្រឿង Pad ចំនួន ១គ្រឿង Tablet ចំនួន ១៤គ្រឿងព្រមទាំងបានសង្គ្រោះ ជនជាតិកូរ៉េជាង១០នាក់ ឱ្យរួចផុតចេញ ពីមណ្ឌលឆបោកផងដែរ។
បច្ចុប្បន្នសមត្ថកិច្ច កំពុងឃាត់ខ្លួន បណ្តោះអាសន្ន ជនសង្ស័យទាំងនោះ ដើម្បីបញ្ជូនទៅតុលាការ និងបន្ត នីតិវិធីស្វែងចាប់ខ្លួនមេខ្លោង ដែលនៅពីក្រោយរឿងនេះ។
