(ភ្នំពេញ)៖ តាមរយៈក្រសួង ការបទេស និសហប្រតិបត្តិការអន្តរជាតិ គណៈកម្មការព្រំដែន រួមកម្ពុជានបាន ស្នើឱ្យភាគីថៃធ្វើការរុះរើ ឧបករណ៍ដែលដាក់ រំលោភនៅក្នុងទឹក ដីកម្ពុជាចេញវិញ ព្រោះទង្វើនេះជាស កម្មភាពបាន រំលោភលើការកសាង ទំនុកចិត្តគ្នា។នេះបើតាមអ្នកនាំពាក្យ ក្រសួងការបរទេសកម្ពុជា។
ឯកឧត្តម នង សាកល អនុរដ្ឋលេខាធិការ និងជាអ្នកនាំពាក្យ រងក្រសួងការបរទេស និងសហប្រតិបត្តិការ អន្តរជាតិបានលើក ឡើងថា ឆ្លើយតបចំពោះសេចក្តី ថ្លែងការណ៍របស់ ក្រសួងការបរទេសថៃ កាលពីថ្ងៃទី១៩ ខែសីហា ឆ្នាំ២០២៥ ក្រសួងការពាជាតិកម្ពុជា បានប្រកាន់ភ្ជាប់ជានិច្ច នូវកិច្ចព្រមព្រៀងបទ ឈប់បាញ់ដែល បានព្រមព្រៀង ដោយភាគីទាំងពីរ។
ឯកឧត្តមបានបញ្ជាក់ថា៖ «យើងជឿជាក់ថា ជាមូលដ្ឋានរឹងមាំបំផុត សម្រាប់ការកសាងសន្តិភាព យូរអង្វែង សម្រាប់អ្នកទាំងអស់គ្នា។ ចំពោះការចោទ ប្រកាន់របស់ភាគីថៃ កម្ពុជាបានរំលោភ ចូលទឹកដីរបស់ខ្លួន នោះខ្ញុំសូមបញ្ជាក់ ថាអគ្គលេខាធិការដ្ឋាន គណៈកម្មការព្រំដែនរួម កម្ពុជាឬហៅថាJBC កម្ពុជាតាមរយៈក្រសួង ការបទេសកម្ពុជា នៅថ្ងៃទី១៩សីហា ឆ្នាំ២០២៥ បានដាក់ ជំទាស់មួយចំពោះ សកម្មភាពរបស់កង កំម្លាំងប្រដាប់អាវុធ ដែលបានដាក់ ពង្រាយរបងខ្សែលួស បំពាក់សំណាញ់ខៅ្ម ដាក់កង់ឡាននៅតំបន់ មួយចំនួននៅព្រំដែន ក្នុងទឹកដីកម្ពុជា»។
ឯកឧត្តមអ្នកនាំពាក្យ បានលើកឡើងថាក្នុង ស្ថានការណ៍នេះ គណៈកម្មការJBC កម្ពុជាបានស្នើឱ្យថៃ រុសរើឧបករណ៍ ទាំងអស់ចេញពីតំបន់ ទាំងឡាយចេញពីទឹក ដីកម្ពុជាដែលបានរំលោភ ដោយថៃ។ យើងយល់ឃើញថា សកម្មភាពទាំងនេះបានរំលោភ លើការកសាងទំនុកចិត្តគ្នា។ ដូច្នេះកម្ពុជា អំពាវនាវនិងស្នើឱ្យថៃគោរពពេញលេញនូវកាតព្វកិច្ចរួមគ្នា និងកាតព្វកិច្ចអន្តរជាតិ ទាំងអស់ ៕
