អ្នកនាំពាក្យ ក្រសួងការពារជាតិ៖ ចាប់តាំងពីការចូល ជាធរមាននៃ បទឈប់បាញ់មក យើងសង្កេតឃើញថា  មានការវិវត្ត ជាវិជ្ជមានជាបន្ទាប់ ជាមួយនឹងការពិភាក្សា ទ្វេភាគីនៃប្រទេសទាំងពីរ

(ភ្នំពេញ)៖ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យ ក្រសួងការពារជាតិ បានបញ្ជាក់នាព្រឹកថ្ងៃទី១៩ ខែសីហា ឆ្នាំ២០២៥នេះថា ចាប់តាំងពីការចូល ជាធរមាននៃបទឈប់ បាញ់កាលពីរំលង អធ្រាត្រថ្ងៃទី២៨ ខែកក្កដា ឆ្នាំ២០២៥មក យើងសង្កេតឃើញ ថាមានការវិវត្តជាវិជ្ជមាន ជាបន្ទាប់ជាមួយនឹង ការពិភាក្សាទ្វេភាគី នៃប្រទេសទាំងពីរ ដូចជាកិច្ចប្រជុំ វិសាមញ្ញគណៈ កម្មាធិការព្រំដែនទូទៅ កម្ពុជា-ថៃ (GBC) កាលពីថ្ងៃទី៧ ខែសីហា ឆ្នាំ២០២៥ ដែលបានឯកភាព គ្នាអនុវត្តឱ្យបាន ពេញលេញនូវបទឈប់បាញ់ ដែលសម្រេចបាន កាលពីថ្ងៃទី២៨ ខែកក្កដា ឆ្នាំ២០២៥ នៅទីក្រុងភូត្រាច៉ៃយ៉ា ប្រទេសម៉ាឡេស៊ី និង កិច្ចប្រជុំវិសាមញ្ញ គណៈកម្មាធិការព្រំដែន ថ្នាក់យោធភូមិភាគ កម្ពុជា-ថៃ (RBC) កាលពីថ្ងៃទី១៦ ខែសីហា ឆ្នាំ២០២៥។

ថ្នាក់ដឹកនាំខាងលើ បានបន្តថា វាមានភាពចាំបាច់ដែល ភាគីទាំងពីរត្រូវតែកសាង លើការវិវត្តជាវិជ្ជមានទាំងនេះ ដើម្បីលើកកម្ពស់សន្តិភាព និងស្ថិរភាព ជាពិសេសការនាំមកវិញ នូវប្រក្រតីភាពនៃទំនាក់ទំនង របស់ប្រទេសទាំងពីរ លើគ្រប់វិស័យ សម្រាប់ជាប្រយោជន៍ ដល់ប្រជាជនទាំងពីរ។