(ភ្នំពេញ)៖ សម្តេចកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌល ស្វាយរៀង បានជួបសំណេះសំ ណាល និងលើកទឹកចិត្តដល់ ក្រុមគ្រួសារកងទ័ពជួរ មុខចំនួន៥៣គ្រួសារ ដែលបច្ចុប្បន្នជាអ្នក រស់នៅស្រុកស្វាយជ្រំ ខេត្តស្វាយរៀង នារសៀលថ្ងៃចន្ទ ទី១៨ ខែសីហា ឆ្នាំ២០២៥។
សម្តេចកិត្តិសង្គហបណ្ឌិត ម៉ែន សំអន ក៏បានផ្តាំផ្ញើការសាកសួរ សុខទុក្ខពីសំណាក់ សម្តេចអគ្គ មហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោក ជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនដល់បងប្អូនទាំងអស់ ដោយក្តីនឹករលឹក និងការគិតគូរដល់ បងប្អូនគ្រួសារកងទ័ព ជួរមុខគ្រប់ពលវេលា ដោយមិនទុក្ខឱ្យ យោពលណាម្នាក់ជួបការ លំបាកហើយទុក្ខចោលនោះឡើយ។
សម្តេចកិត្តិសង្គហបណ្ឌិត ម៉ែន សំអន ក៏បានអរគុណចំពោះ វីរភាពរបស់កងទ័ពកម្ពុជា ដោយបានប្រឹងប្រែងយកអស់ពីកម្លាំងកាយចិត្ត ប្រាជ្ញា ស្មារតីយ៉ាងមោះមុត ក្នុងការតស៊ូប្រយុទ្ធប្តូរ ផ្តាច់ជាមួយកងទ័ព ឈ្លានពានថៃរយៈពេល ៥ថ្ងៃកន្លងមកនេះ។
សម្តេចកិត្តិសង្គហបណ្ឌិត ក៏បានស្នើសុំឱ្យក្រុម គ្រួសារដែលនៅជួរក្រោយ ដែលជាភរិយា ឬម្តាយរបស់វីរកងទ័ពជួរមុខ ត្រូវថែទាំសុខភាពឱ្យបានល្អ រក្សាភាពហ្នឹងហ្នរ និងមានភាពជឿជាក់ លើរាជរដ្ឋាភិបាល ក្នុងការដោះស្រាយ បញ្ហាព្រំដែន ពិសេសជីវភាព គ្រួសារកងទ័ព ព្រោះថាភរិយា ឬម្តាយក៏ជាតួអង្គ ដ៏សំខាន់ក្នុងការជំរុញ និងលើកទឹកចិត្តដល់ ប្តី ឬកូន ដែលជាអ្នកឈរជើង នៅជួរមុខនៃបន្ទាត់ព្រំដែន កម្ពុជា-ថៃឱ្យមានកម្លាំង ចិត្តបន្ថែមទៀត ក្នុងការការពារបូរណភាព ទឹកដីរបស់កម្ពុជាពីការ ឈ្លានពានរបស់សត្រូវសៀម។
ក្នុងឱកាសនោះ សម្តេចកិត្តិសង្គហបណ្ឌិត ម៉ែន សំអន ក៏បានប្រគល់ជូន នូវសម្ភារប្រើប្រាស់មួយ ចំនួនដល់៥៣គ្រួសារ ក្នុងមួយគ្រួសារ ទទួលបានអង្ករ២៥គីឡូក្រាម សារុង១ មី១កេស ត្រីខ១យួរ ទឹកសុទ្ធ១កេស ទឹកត្រី១យួរ ទឹកស៊ីអ៊ីវ១យួរ ប៊ីចេង១កញ្ចប់ អំបិល១កញ្ចប់ បាយក្តាំង២កញ្ចប់ និងថវិកា៣០ម៉ឹនរៀល ជូនដល់ក្រុមគ្រួសារវីរកងទ័ពជួរមុខ ដើម្បីយកទៅដោះស្រាយ ជីវភាពបានមួយរយៈផងដែរ៕
