(ភ្នំពេញ)៖ នៅព្រឹកថ្ងៃទី១៨ ខែសីហា ឆ្នាំ២០២៥ ឯកឧត្តមបណ្ឌិត លី ធុជ ទេសរដ្ឋមន្ត្រី និងជាអនុប្រធានទី១ អាជ្ញាធរមីន និងឯកឧត្តម ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាព កំចាត់មីនកម្ពុជា (ស៊ីម៉ាក់) បានអញ្ជើញជាអធិបតី សន្និសីទសារព័ត៌មាន ស្តីពីជំហរកម្ពុជាក្នុង ការប្រយុទ្ធប្រឆាំងគ្រាប់មីន ក្រោមប្រធានបទ “កម្ពុជា ប្រទេសស្រលាញ់សន្តិភាព”។
ថ្លែងនាឱកាសនោះ ឯកឧត្តមបណ្ឌិត លី ធុជ បានលើកឡើងថាកម្ពុជា សូមច្រានចោល ទាំងស្រុងចំពោះការ ចោទប្រកាន់ដោយ គ្មានមូលដ្ឋានច្បាស់ លាស់របស់ភាគីថៃ ដែលថាកម្ពុជាដាក់មីនថ្មី។ ភាគីថៃបានយក វិស័យមីនបង្កឲ្យ មានការឈ្លានពាន លើទឹកដីកម្ពុជា។
មីន គឺជាសត្រូវរបស់កម្ពុជា និងប្រជាជនខ្មែរ នៅលើពិភពលោកនេះ កម្ពុជាគឺជាប្រទេសនាំមុនគេ ដែលត្រូវបានទទួលស្គាល់ថា ជាប្រទេសដែលបាន ប្រយុទ្ធប្រឆាំងនឹងមីន និងបានចូលរួមជា មួយប្រទេសដទៃទៀត ក្នុងការទប់ស្កាត់ ការប្រើប្រាស់មីន។
ឯកឧត្តមបណ្ឌិត លី ធុជ កម្ពុជាសូមអំពាវនាវ ដល់ភាគីថៃបញ្ចប់ មហិច្ឆិតាបំពានកម្ពុជា ងាកមកកសាងសន្តិភាព មិត្តភាពទំនាក់ទំនងល្អ ក្នុងនាមជាប្រទេសជិតខាង និងរួមគ្នាដើម្បី កសាងលើកម្ពស់ ជីវភាពរបស់នៅ របស់ប្រជាជនទាំងសងខាង នាពេលអនាគត។
មន្ត្រីជាន់ខ្ពស់ខាងលើ បានគូសរំលេចថា កម្ពុជានៅតែបន្ដបើកទ្វារ ដើម្បីកិច្ចសហប្រតិបត្ដិការ រវាងកម្ពុជា-ថៃ លើការងារបោសសំអាតមីន នៅពេលវិលមក ភាពប្រក្រតីឡើងវិញ ហើយនឹងការជជែក គ្នារវាងបន្ទាត់ព្រំដែន រវាងប្រទេសទាំងពីរ។ ប្រភព៖ អាជ្ញាធរមីន
