(ភ្នំពេញ)៖នៅក្នុងរយៈ ពេល១ឆ្នាំកន្លងមកនេះ ពិសេសនៅដើមឆ្នាំ ២០២៥នេះ អ្នកជំនួញខ្មែរបាន ចាប់ អារម្មណ៍ចំពោះ ការងារវិនិយោគនៅកម្ពុជា ដែលបានជួយអភិវឌ្ឍន៍ សេដ្ឋកិច្ចជាតិនិង បង្កើតទីផ្សារការងារ។
យោងតាមរបាយការណ៍ របស់ក្រុមប្រឹក្សាអភិវឌ្ឍន៍ កម្ពុជាបានអោយដឹងថា កាលពីឆ្នាំ២០២៣ តួលេខប្រភពទុនវិនិយោគ មិនមានឈ្មោះអ្នកជំនួញខ្មែរ ស្ថិតនៅក្នុងបញ្ជីខាង លើលេខរៀងទី១០នោះទេ។
ពោលគឺប្រភពទុន សំខាន់បានមកពីបរទេស ដូចជា អ្នកជំនួញមកពីចិន ដាក់ទុន៤៥,៦ភាគរយ កូរ៉េខាងត្បូង ១១,៨ភាគរយ សិង្ហបុរី ៦,៥ភាគរយ ជប៉ុន ៦,២ភាគរយ វៀតណាម ៥,៣ភាគរយ ម៉ាឡេស៊ី ៤,៤ភាគរយ ថៃ ៤,០ភាគរយ កាណាដា ៣,៥ភាគរយ និង ចក្រភពអង់គ្លេស បានដាក់ទុនវិនិយោគនៅកម្ពុជាស្មើ៣,២ភាគរយ។ ប៉ុន្តែចាប់ពីឆ្នាំ២០២៤មក អ្នកជំនួញខ្មែរបានចាប់ អារម្មណ៍ចំពោះការងារ វិនិយោគក្នុងស្រុក ដោយបានឡើងទៅ ឈរលេខរៀង ខ្ពស់ក្នុងបញ្ជី ពោលគឺលំដាប់ទី២។
យោងតាមរបាយការណ៍ របស់ក្រុមប្រឹក្សាអភិវឌ្ឍន៍ កម្ពុជាបានអោយដឹងថា កាលពីឆ្នាំ២០២៤ បរិមាណទុនវិនិយោគ ដោយអ្នកជំនួញខ្មែរ បានឈរលេខរៀង បន្ទាប់ពីអ្នកជំនួញចិន ពោលគឺ ទុនអ្នកជំនួញពីចិន ស្មើ ៦០,៤៤ភាគរយ កម្ពុជា ៣២,៣១ភាគរយ សិង្ហបុរី ២,៦៥ភាគរយ ម៉ាឡេស៊ី ១,៣ភាគរយ និង វៀតណាម បានដាក់ទុនវិនិយោគ នៅកម្ពុជា ស្មើ០,៨៧ភាគរយ។
ពិសេសទៀតនោះ ចាប់ពីដើមឆ្នាំ២០២៥នេះមក កម្រិតបរិមាណទុន វិនិយោគដោយ អ្នកជំនួញខ្មែរបាន រក្សាទីតាំង ដោយកាលពី ខែមករាឆ្នាំ២០២៥ បរិមាណទុនវិនិយោគ ដោយអ្នកជំនួញខ្មែរ នៅតែឈរលេខរៀងទី២ បន្ទាប់ពីអ្នកជំនួញចិន ដែលធ្វើអោយ ទុនវិនិយោគ សរុបនៅកម្ពុជា ឡើងដល់ ៧៤៨លានដុល្លារ បង្កើតការងារ បានជាង៤៦ ពាន់កន្លែង ហើយកាលពីខែកក្ដដា ឆ្នាំ២០២៥ថ្មីៗនេះ បរិមាណទុនវិនិយោគ ដោយអ្នកជំនួញខ្មែរ នៅតែឈរលេខរៀងទី២ បន្ទាប់ពីអ្នកជំនួញចិន ពោលគឺទុនពីចិន ៣៧,៨៩ភាគរយ ខណៈទុនពីអ្នកជំនួញ ក្នុងស្រុកមាន៣១,២៤ភាគរយ ដែលធ្វើអោយ ទុនវិនិយោគ សរុបនៅកម្ពុជា ឡើងដល់៩៤៤លានដុល្លារ បង្កើតការងារបាន ជាង៥៧ពាន់កន្លែង។ ឮ
កំណើនកម្រិតបរិមាណ ទុនវិនិយោគដោយ អ្នកជំនួញខ្មែរនេះ បានជួយដោះស្រាយ ការងារយ៉ាងច្រើនជូន ពលករខ្មែរដែលវិល ត្រឡប់មកពីប្រទេសជិតខាង៕
